Emilio García Silvero
Emilio García Silvero, nado na Coruña en 1977, é un avogado e directivo deportivo galego.
| Biografía | |
|---|---|
| Nacemento | 1977  (46/47 anos)A Coruña, España |
| Datos persoais | |
| País de nacionalidade | España |
| Actividade | |
| Ocupación | dirixente deportivo |
| Lingua | Lingua castelá |
 | |
Traxectoria editar
Licenciado pola Universidade de Estremadura e Doutor en Dereito pola Universidade Rei Xoán Carlos (sobresaínte cum laude), especializouse en dereito deportivo na Universidade de Lleida (Cataluña), Harvard (USA) e Science Po (Francia), con diferentes másteres en dereito e xestion deportiva. E autor de diferentes monografías e artigos de investigación a nivel nacional e internacional.
En 2004 comezou a traballar como director legal da Real Federación Española de Fútbol, posto que mantivo durante oito anos. Durante ese período formou parte tamén do Consello de Control e Disciplina da UEFA, e en 2012, foi nomeado Árbitro do Tribunal de Arbitraxe no Deporte de Lausana.
En 2012 foi nomeado xefe dos Servizos Disciplinarios e de Integridade da UEFA con Michel Platini,[1] e árbitro do Tribunal Arbitral do Deporte (TAS)[2] posto que se transformou en director xeral de Integridade baixo o mandato de Aleksander Čeferin en 2017, cando este foi elixido novo presidente da UEFA.[3]
En 2014 foi condecorado polo Goberno de España coa Orde do Mérito Deportivo.
En febreiro de 2018 numerosos presidentes de clubs, federacións deportivas e dirixentes da Liga de Fútbol Profesional propón a García Silvero como Presidente da Federación Española de Fútbol, cargo que finalmente declinou aceptar para continuar a súa carreira internacional.[2] En setembro de 2018 foi nomeado Director Legal da FIFA onde dirixe toda a actividade legal da Federación Internacional na súa sede de Zúric (Suíza).[2]
Notas editar
- ↑ hidalgo, Fernando (11 de novembro de 2018). "Crece la figura de García Silvero como posible candidato a la RFEF". La Voz de Galicia (en castelán).
- ↑ 2,0 2,1 2,2 Antelo, Iván (5 de setembro de 2018). "El coruñés Emilio García Silvero, nuevo director legal de la FIFA". La Voz de Galicia (en castelán).
- ↑ Fuentes, Ramón. "El español Emilio García Silvero, nuevo 'hombre fuerte' de la UEFA en materia de "integridad"". IUSPORT: EL OTRO LADO DEL DEPORTE (en castelán). Consultado o 2019-05-29.