Emilio Alonso Pimentel
Emilio Alonso Pimentel, nado en Madrid o 16 de xullo de 1958 e finado en Vigo o 14 de xuño de 2020[1], foi un xornalista e escritor galego.
| Biografía | |
|---|---|
| Nacemento | 16 de xullo de 1958  Madrid, España |
| Morte | 14 de xuño de 2020 (61 anos) Vigo, España |
| Datos persoais | |
| País de nacionalidade | España |
| Actividade | |
| Ocupación | xornalista , escritor |
| Lingua | Lingua galega e lingua castelá |
Familia | |
| Pai | Xesús Alonso Montero |
| Irmáns | Xesús Pimentel |
Premios | |
 | |
Traxectoria
editarPrimeiro fillo de Xesús Alonso Montero e Emilia Pimentel Iglesias, nos anos oitenta realizou programas de radio (Montaje Curioso e A Trincheira) en Radiocadena Española-Vigo e RNE-Radio 4-Galicia. Foi coordinador da revista Tintimán, correspondente en Galicia de Rock de Lux e guionista do concurso musical Racha coas Ondas. Colaborou en Diario 16 de Galicia, Faro de Vigo, Atlántico Diario, La Naval, Valiundiez e Escupe. Nos anos noventa traballou como guionista, coordinador e director de programas de televisión presentados como Café Café, Esto é noticia, Todos a Bordo,[2] Televisión Total, Superpiñeiro, Toda unha vida, e A Noite en Blanco.
A súa primeira novela, Mercurio, foi premio de novela por entregas de La Voz de Galicia en 2008.
Obras
editar- ¡Po! Diario dunha viaxe a Palestina (2003). Fundación Araguaney. 106 páxs.[3] Crónica, con fotos propias, da viaxe que o autor fixo en 2002 a Palestina, visitando as cidades israelitas e palestinas de Haifa, Xerusalén e Hebrón ben coma o campo de refuxiados de Al Fawwar. Publicado tamén en castelán: ¡Po! Diario de un viaje a Palestina.
- Mercurio (2008). Xerais. 104 páxs. Suspense ambientado en Lugo e protagonizado por un ex-policía que exerce como criminólogo, coñecido dos medios e famoso grazas á televisión.[4]
- Vigo a 80 revolucións por minuto (2011). Xerais. 384 páxs. É unha crónica da movida viguesa da década de 1980 na que o autor foi colaborador activo deses acontecementos que supuxeron unha renovación conceptual das artes nunha época convulsa en Vigo.[5]
Notas
editar- ↑ "Falece o xornalista e escritor Emilio Alonso Pimentel". Cultura Galega. 15 de xuño de 2020. Consultado o 27 de xaneiro de 2021.
- ↑ "Falece o xornalista Emilio Alonso Pimentel, cronista da movida de Vigo. CRTVG". www.crtvg.es. Consultado o 2020-06-16.
- ↑ "PO! Diario dunha viaxe a Palestina. Fundación Araguaney. LG3. O soportal da Literatura Galega". culturagalega.org. Consultado o 2020-06-16.
- ↑ "Ficha do libro. Editorial Xerais". www.xerais.gal. Consultado o 2020-06-16.
- ↑ "Ficha do libro. Editorial Xerais". www.xerais.gal. Arquivado dende o orixinal o 16 de xuño de 2020. Consultado o 2020-06-16.