Abrir o menú principal

Emiliano García-Page

político español

Emiliano García-Page Sánchez, nado en Toledo o 11 de xuño de 1968, é un político español, actual presidente da Xunta de Comunidades de Castela-A Mancha.

Emiliano García-Page
Emiliano García-Page

Actualmente no cargo
Dende o 4 de xullo de 2015
Vicepresidente José Luis Martínez Guijarro
Precedido por María Dolores de Cospedal

16 de xuño de 2007 – 13 de xuño de 2015
Precedido por José Manuel Molina
Sucedido por Milagros Tolón

Actualmente no cargo
Dende o 26 de febreiro de 2012
Precedido por José María Barreda

17 de abril de 2004 – 11 de maio de 2007
Presidente José María Barreda
Precedido por Ninguén
Sucedido por María Luisa Araújo

16 de setembro de 2011 – 4 de xullo de 2015

13 de xuño de 1999 – 27 de maio de 2007

30 de xuño de 1987 – 1 de setembro de 1993

Datos persoais
Nacemento 11 de xuño de 1968 (51 anos)
Toledo, España
Partido Partido Socialista Obrero Español
Profesión Político e xurista
Sitio web www.emilianogarciapage.com
Twitter @@garciapage

Foi alcalde de Toledo e senador por Castela-A Mancha entre 2011 e 2015. Desde febreiro de 2012 é tamén secretario xeral do PSOE de Castilla-La Mancha.

BiografíaEditar

Licenciouse en dereito na Universidade de Castela-A Mancha.[cando?][Cómpre referencia]

Foi vicepresidente segundo da Xunta de Comunidades de Castela-A Mancha

Xa antes de cumprir os 18 anos afiliouse ás Xuventudes Socialistas. Ao superar a maioría de idade pasou formar parte do PSOE. O seu primeiro posto político foi o de concelleiro socialista no concello de Toledo de 1987 a 1993. De 1991 a 1993 foi tenente de alcalde baixo o goberno de Joaquín Sánchez Garrido. Mentres tanto, foi escalando posicións dentro do PSOE, primeiro foi membro do Comité Local (1987-1993), despois do Comité Provincial (1991-1995) e desde 1991 da Comisión Executiva Rexional. En 1997 foi elixido Secretario Provincial do PSOE.

Por outro lado, ocupou diversos cargos no goberno rexional de Castela-A Mancha, primeiro baixo a presidencia de José Bono e despois co seu sucesor, José María Barreda. Foi voceiro do goberno, Conselleiro de Obras Públicas, Conselleiro de Benestar Social e Conselleiro de Relacións Institucionais, así como Vicepresidente Rexional, posto que abandonou para presentarse ás eleccións municipais do 27 de maio de 2007. O seu principal rival foi o daquelas alcalde da cidade, José Manuel Molina García, do PP. A súa candidatura quedou en segundo lugar con 18.011 votos (o 43,35%), o que se traduciu en 11 concelleiros de 25 posibles. Pese a quedar por detrás do candidato do Partido Popular José Manuel Molina, asinou un pacto de goberno cos dous concelleiros de Izquierda Unida (encabezados por Aurelio San Emeterio), converténdonse no alcalde da cidade o 16 de xuño de 2007.

A finais de novembro do ano 2007, prohibiu ceder espazos municipais a unha conferencia atea denominada I Concilio Ateo (Toledo) organizada pola FIDA (Federación Internacional de Ateos) e a Plataforma Foro Ateo, tendo cedido el mesmo lugar en ocasións anteriores a grupos católicos, o que levou a unha gran polémica local, ficando en interdito a súa neutralidade en materia relixiosa.[1]

Nas eleccións municipais de 2011 enfrontouse como candidato a Paloma Barredo, candidata do Partido Popular e, de novo, a Aurelio San Emeterio por Izquierda Unida. En ditos comicios a súa candidatura foi a máis votada, obtendo un total de 20.025 votos, o que se traduciu en 12 concelleiro fronte a 11 do PP e 2 de IU, gañando o seu partido unhas eleccións municipais por primeira vez en democracia e sendo o primeiro alcalde socialista en repetir no cargo. Foi reelixido como alcalde sen contar cos votos de IU así que o PSOE empezou a súa lexislatura en solitario.

As Cortes de Castela-A Mancha, a iniciativa do Grupo Parlamentario Socialista, designárono senador autonómico o 16 de setembro de 2011. O 26 de febreiro de 2012 foi elixido secretario xeral do PSOE de Castela-A Mancha co 95'82 % dos votos.[2]

En 2015 convértese en presidente da Xunta de Comunidades de Castela-A Mancha.

NotasEditar

Véxase taménEditar