Elefante sirio

Mosaico romano dun elefante atacando un león

Extinto dende -100^[1]

Reino:	Animalia
Filo:	Chordata
Clase:	Mammalia
Orde:	Proboscidea
Familia:	Elephantidae
Xénero:	Elephas
Especie:	'Elephas maximus'

Nome trinomial

Elephas maximus asurus
Deraniyagala, 1950

O elefante sirio (Elephas maximus asurus) é un nome proposto para nomear ás poboacións de elefante asiático (Elephas maximus) que vivían máis ó oeste, e que se extinguiu na antigüidade. Restos de esqueletos de E. m. asurus foron atopados en Oriente Medio (Turquía, Iraq e Siria) dun período que data entre hai 3 millóns de anos e -100.

Os antigos artesáns sirios usaron os seus cairos para facer esculturas de marfil. En Siria, a produción de obxectos de marfil acadou o seu apoxeo durante o primeiro milenio a.C, cando os arameos acostumaban decorar o seu mobiliario con incrustacións de marfil. A sobre explotación deste tipo de elefante debeu na súa extinción no -100.

Descrición

Os elefantes sirio foron a subespecie de elefante asiático máis grande que sobreviviu ata tempos históricos, medindo 3,5 de altura ou pode que aínda máis. Os esqueletos atopados revelan que non se diferenciaba moito da subespecie india, agás no seu tamaño.

Controversia

Os elefantes sirios son frecuentemente mencionados na historia helenística; os reis Seléucidas que tiñan numerosos elefantes de guerra, reinaron en Siria durante ese período. Crese que estes elefantes eran en realidade indios (E. m. indicus), os cales foran adquiridos polos reis Seléucidas durante a súa expansión. Está rexistrado por fontes antigas como Estrabón^[2] e Polibio ^[3] que os reis Seleuco I Nicátor e Antioco III o Grande tiveron un número importante destes elefantes indios importados. Descoñécese o motivo polo que foron importados dende a India, pero se cadra debeuse á escaseza de elefantes sirios nativos ou ás dificultades de adestramento e domesticación como elefantes de guerra.

O xeneral cartaxinés Haníbal tivo un elefante de guerra coñecido como "Surus" e suxeriuse que ben puidera significar "o sirio". Pero tamén cabe a posibilidade de que se trate un dos elefantes dos Seléucidas. O elefante de guerra cartaxinés máis común era o elefante do norte de África [Loxodonta africana pharaoensis], unha subespecie extinta de elefante africano de sabana.

Notas

↑ Choudhury, A., Lahiri Choudhury, D.K., Desai, A., Duckworth, J.W., Easa, P.S., Johnsingh, A.J.T., Fernando, P., Hedges, S., Gunawardena, M., Kurt, F., Karanth, U., Lister, A., Menon, V., Riddle, H., Rübel, A. & Wikramanayake, E. (2008). "Elephas maximus". Lista Vermella da IUCN de Especies en Perigo (en inglés). IUCN 2008. Consultado o 28 October 2008.
↑ Strabo 15.2.1(9)
↑ Polybius 11.39

Véxase tamén

Outros artigos

Elefante do norte de África, unha subespecie de elefante africano que se extinguiu no século II.

Ligazóns externas

Elefantes e nabateos (en inglés)
Mosaico antigo cun elefante sirio loitando cun león asiático (en inglés)
- Imaxe do esqueleto dun elefante sirio atopado en Kahramanmaraş, Turquía Arquivado 12 de outubro de 2016 en Wayback Machine. (en inglés)

[iucn-1] Choudhury, A., Lahiri Choudhury, D.K., Desai, A., Duckworth, J.W., Easa, P.S., Johnsingh, A.J.T., Fernando, P., Hedges, S., Gunawardena, M., Kurt, F., Karanth, U., Lister, A., Menon, V., Riddle, H., Rübel, A. & Wikramanayake, E. (2008). "Elephas maximus". Lista Vermella da IUCN de Especies en Perigo (en inglés). IUCN 2008. Consultado o 28 October 2008.

[2] Strabo 15.2.1(9)

[3] Polybius 11.39

[1]

[2]

[3]