Eiléan Ní Chuilleanáin

Eiléan Ní Chuilleanáin (pron. [ɛˈlʲeːn̪ˠ n̠ʲiː ˈxɪl̠ʲənˠaːnʲ]), nada en Cork o 28 de novembro de 1942, é unha poeta e académica irlandesa. Ocupou a Cátedra de Poesía de Irlanda entre 2016 e 2019.

Eiléan Ní Chuilleanáin

Biografía
Nacemento	28 de novembro de 1942 (82 anos) Cork, Irlanda
Educación	Universidade de Oxford
Actividade
Ocupación	lingüista, tradutora, poetisa, escritora
Membro de	Aosdána
Familia
Nai	Eilís Dillon

Traxectoria

É filla da escritora Eilís Dillon e do catedrático emérito Cormac Ó Cuilleanáin. Estudou na University College Cork e na Universidade de Oxford. Viviu en Dublín co seu marido, o finado Macdara Woods, e teñen un fillo, Niall Woods. É membro do Trinity College Dublin e profesora emérita da School of English de dita universidade, na que entrou en 1966.

A súa poesía reflicte os seus amplos intereses académicos, en particular a literatura do Renacemento, na que é especialista, e o seu interese pola tradución. En 2011 retirouse do ensino a tempo completo. É membro de Aosdána e cofundadora da revista literaria Cyphers, xunto con Pearse Hutchinson, Macdara Woods e Leland Bardwell. Contribuíu con varias recitacións dos seus poemas, incluído "Small" (escrito após a morte de Pearse Hutchinson), ao Irish Poetry Reading Archive.

Recoñecementos

En 1966, gañou o premio The Irish Time de poesía. O primeiro poemario de Ní Chuilleanáin gañou o Premio de Poesía Patrick Kavanagh en 1973. En 2010 The Sun-fish recibiu o Premio de Poesía Griffin, un premio internacional con base no Canadá, e foi finalista do Premio Poetry Now. En 2016 recibiu a Cátedra de Poesía de Irlanda de Poesía de mans do presidente de Irlanda, Michael D. Higgins.

Publicacións

Poemarios

Ní Chuilleanáin publicou con The Gallery Press en Irlanda e con Wake Forest University Press nos Estados Unidos.

• Acts and Monuments (Dublin: The Gallery Press, 1972)
• Site of Ambush (Dublin: The Gallery Press, 1975)
• The Second Voyage (Dublin: The Gallery Press, 1977; Winston-Salem, NC: Wake Forest University Press, 1977)
• The Rose Geranium (Dublin: The Gallery Press, 1981)
• The Second Voyage (Dublin: The Gallery Press, 1986; Newcastle upon Tyne: Bloodaxe Books; Winston-Salem, Wake Forest University Press, 1991)
• The Magdalene Sermon (Oldcastle: The Gallery Press, 1989). Finalista do Premio Irish Times/Aer Lingus Award.
• The Brazen Serpent (Oldcastle: The Gallery Press, 1994; Winston-Salem, North Carolina: Wake Forest University Press, 1995)
• The Girl Who Married the Reindeer (Oldcastle: The Gallery Press, 2001; Winston-Salem, North Carolina: Wake Forest University Press, 2002)
• Selected Poems (Oldcastle: Gallery Press, 2008; London: Faber and Faber; Winston-Salem, North Carolina: Wake Forest University Press, 2009)
• The Sun-fish (Oldcastle: Gallery Press, 2009; Winston-Salem, NC: Wake Forest University Press, 2010). Gañador do Premio Internacional de Poesía Griffin en 2010).
• The Boys of Bluehill (Oldcastle: Gallery Press, 2015; Winston-Salem, NC: Wake Forest University Press)

Obra académica seleccionada

• As I Was Among Captives: Joseph Campbell's Prison Diary, 1922-23 (Cork: Cork University Press, 2001)
• The Wilde Legacy, ed. (Dublin: Four Courts Press, 2003)
• Translation and Censorship: Patterns of Communication and Interference, ed., con Cormac Ó Cuilleanáin e David Parris (Dublín: Four Courts Press, 2009)
• Heresy and Orthodoxy in Early English Literature, 1350-1680, ed., con John Flood (Dublin: Four Courts Press, 2010)
• Translation, Right or Wrong, ed., con Cormac Ó Cuilleanáin e Susana Bayó Belenguer (Dublin: Four Courts Press, 2013)