Economía da República Checa
A economía da República Checa está baseada en industrias siderúrxicas, de automóbiles, bebidas e cristais (o coñecido cristal de Bohemia). O país mantén unha agricultura baseada na produción de trigo para a exportación.
| Economía de Chequia | |
|---|---|
| Moeda | coroa checa |
| Organizacións comerciais de que fai parte | OMC, Unión Europea, OCDE |
| Datos estatísticos[1] | |
| PIB | 286,7 mil millóns (2012) |
| Posición do PIB | 45ª no mundo[2] |
| Crecemento do PIB | -1% (2012) |
| PIB per cápita | $ 27.200 (2012) |
| PIB por sector | agricultura 1.8%, industria 39.6%, comercio e servizos 58.6% (2012) |
| Inflación | 3.3% (2012) |
| Poboación abaixo da limiar de pobreza | dato non dispoñíbel |
| Total da forza de traballo | 5.545.000 (2012) |
| Forza de traballo por sector | agricultura 3.1%, industria 38.6%, comercio e servizos 58.3% (2009) |
| Desemprego | 8.6% (2012) |
| Industrias | vehículos a motor, metalurxía, máquinas e equipamentos, vidro, armamentos |
| Parcerías comerciais[1] | |
| Exportacións | 134.1 mil millóns (2012) |
| Produtos de exportación | máquinas e equipamentos de transporte, materiais brutos e combustibles, produtos químicos |
| Principais mercados | Alemaña 32.4%, Eslovaquia 9%, Polonia 6.3%, Francia 5.5%, Austria 4.6%, Reino Unido 4.6%, Italia 4.2% (2011) |
| Importacións | 129 mil millóns (2012) |
| Principais produtos importados | máquinas e equipamentos de transporte, materias primas e combustibles, produtos químicos |
| Principais mercados | Alemaña 29.6%, China 7.6%, Polonia 7.1%, Eslovaquia 7%, Países Baixos 5.7%, Rusia 4.8%, Austria 4.4% (2011) |
| Finanzas públicas[1] | |
| Débeda externa | 90.18 mil millóns (2012) |
| Ingresos | dato non dispoñible |
| Gastos | dato non dispoñible |
Tralo abandono da economía socialista, a comezos dos 1990, como outros países da súa contorna, Chequia comezou a ter un maior investimento estranxeiro en bens de consumo. As reestruturacións das industrias pesadas remataron en tan só unha década co sector terciario como o maioritario (59%).
As principais industrias son as do tratamento do aceiro, o ferro e de construción de maquinaria que están a pasar un custoso proceso de modernización. As exportacións trocaron nos últimos quince anos de Europa oriental cara ás economías tradicionalmente de mercado de Europa occidental. Trala crise de 1997 provocada por un importante aumento do déficit por conta corrente e déficit público; nos anos 2000 e 2001, o crecemento arredor do 10% levou o país a ingresar na Unión Europea cunha boa carta de presentación.
As reformas aínda están lonxe de finalizar, estando pendentes a transformación do sector inmobiliario, a privatización do sistema de saúde e do sector bancario e cuestións de tipo medioambiental.
Os maiores vendedores de créditos son Alemaña, Países Baixos e Estados Unidos. Os maiores socios comerciais son Alemaña e Eslovaquia.
A República Checa ingresou na Unión Europea o 1 de maio de 2004 e non se espera que adopte o euro antes de 2020 [3].
Notas editar
- ↑ https://www.cia.gov/library/publications/the-world-factbook/geos/ez.html
- ↑ CIA. "Real GDP (purchasing power parity)". The World Factbook (en inglés).
- ↑ "Chequia descarta la adopción del euro antes de 2020". Na web de Radio Praha en castelán. (En castelán)