EV Zug
O EV Zug (abreviatura de Eissportverein Zug) é un equipo de hóckey sobre xeo da localidade de Zug, Suíza. Actualmente compite na National League A (NLA), a máxima categoría do hóckey sobre xeo helvético. Xoga os seus encontros como local no Bossard Arena, un pavillón con capacidade para 7.015 espectadores.
| EV Zug | |
|---|---|
 | |
| Fundación | 1967 |
| Cidade |  Zug, Cantón de Zug Suíza |
| Estadio | Bossard Arena (7.015 espectadores) |
| Liga | National League A |
| Campionatos | 1 (1998) |
| Adestrador |  Doug Shedden |
| Cores | Azul e branco |
| Na rede | |
| https://www.evz.ch/ | |
Historia
editarO EV Zug foi fundado en 1967, e na tempada 1976-77 debutou na máxima categoría, rematando na última posición (8º) e descendendo. Na tempada 1987-88 retornou á LNA logo de 10 anos, finalizando na 6ª posición nunha competición na que os play-offs polo título estaban pechados aos 4 primeiros clasificados. Dende aquela o equipo non volveu descender e é un habitual nos play-offs polo título, chegando a gañar a competición na tempada 1997-88, conseguindo ademais os subcampionatos en 1995 e 1997, e finalizando na primeira posición da liga regular en 3 ocasións (1994-95, 1997-98 e 2011-12).
O 3 de outubro de 2011, o club derrotou aos New York Rangers da NHL por un contundente 8-4 nun partido amigable.[1][2] O antigo xogador da NHL Josh Holden, que daquela estaba suspendido pola NLA, permitiuselle xogar e anotou dous goles. El e Fabian Schnyder tiveron cada un tres puntos, e Esa Pirnes tamén anotou dous goles. O antigo porteiro dos Rangers Jussi Markkanen gañoulle ao seu exequipo nun Bossard Arena ateigado.
Dende o 2012 é un dos catro representantes suízos no European Trophy.
Personalidades
editarXogadores
editarNúmeros retirados
editarComo moitos outros equipos profesionais de hóckey sobre xeo, o EV Zug (EVZ) ten retirado da circulación os dorsais de varios xogadores que vestiron a camisola do equipo. Para a retirada dun dorsal por parte do club, o xogador ten que cumprir catro dos seguintes cinco criterios:[3]
- 10 anos no primeiro equipo do EVZ.
- Comezar a súa carreira profesional no EVZ.
- Finalizar a súa carreira profesional no EVZ.
- Gañar o campionato suízo co EVZ.
- Ter xogado 50 partidos co equipo nacional.
| Nº | Xogador | Posición | Carreira | Data da retirada | Referencia |
|---|---|---|---|---|---|
| 20 | Philipp Neuenschwander | F | 1980-1997 | 5 de novembro de 2010 | [4] |
| 31 | Patrick Fischer | C | 1992-2010 | 14 de setembro de 2010 | [5] |
| 33 | André Künzi | D | 1984-2002 | 5 de novembro de 2010 | [4] |
Palmarés
editar- 1 National League A: 1998
Notas
editar- ↑ Rosen, Dan (2011-10-03). "Rangers fall to Swiss squad, 8-4". NHL.com. Arquivado dende o orixinal o 02-04-2013. Consultado o 18-11-2013.
- ↑ "EV Zug wins against the New York Rangers!" (en alemán). www.nationalleague.ch. 2011-10-03. Arquivado dende o orixinal o 12-11-2011. Consultado o 18-11-2013.
- ↑ "WALL OF FAME" (en inglés). EV Zug. Arquivado dende o orixinal o 13 de outubro de 2016. Consultado o 17 de agosto de 2016.
- ↑ 4,0 4,1 "EV Zug verewigt Nummer 20 und 33". Neue Luzerner Zeitung (en alemán). 3 de novembro de 2010. Arquivado dende o orixinal o 10 de outubro de 2016. Consultado o 17 de agosto de 2016.
- ↑ Kunz, Alain (15 de setembro de 2010). "Fischer weinte". Blick (en alemán). Arquivado dende o orixinal o 17 de agosto de 2016. Consultado o 17 de agosto de 2016.
Véxase tamén
editar| Wikimedia Commons ten máis contidos multimedia na categoría: EV Zug |
Ligazóns externas
editar- Sitio web oficial (en alemán)