Divi filius

Denario coa efixie de Octavio. A inscrición di Imperator Cæsar Divi Filius Triumvir Iterum Rei Publicæ Constituandæ, en galego,"Emperador Octavio fillo do divino Xulio, triunfo por segunda vez para a restauración da República".

Divi filius ("fillo divino" ou "fillo do divino") é un título que foi usado polo emperador romano Xulio César e, máis tarde, polo seu sobriño neto Octavio Augusto.

O 1 de xaneiro do ano 42 a.C., dous anos despois do asasinato de César (15 de marzo de 44 a.C.), pero antes da vitoria final do segundo triunvirato contra os autores da súa morte, o Senado romano recoñeceu a César como divindade. A partir de entón chamábaselle Divus Iulius (Divino Xulio), de modo que o seu fillo adoptivo, Octavio, adoptou o título de Divi filius[1][2] (fillo do deificado, ou fillo do deus). Menos frecuente era o uso dunha fórmula máis completa: divi Iuli filius ("fillo do divino Xulio").[3]

O uso deste título contribuíu a mellorar a situación política de Octavio, que terminou por eclipsar os demais competidores polo poder en Roma.[4] O título foi para el "unha útil ferramenta de propaganda", polo que mandou gravar a inscrición nas novas moedas cuñadas.[5]

A súa denominación como augusto foille outorgada máis tarde, no ano 27 a.C.

Outros emperadoresEditar

Tanto o propio Augusto coma outros emperadores foron deificados trala súa morte, co que o título de divi filius puido aplicarse do mesmo xeito a Tiberio, a Nerón e a Domiciano.[6]

NotasEditar

  1. Syme, Ronald (2002) [1939]. The Roman Revolution. Oxford: Oxford University Press. p. 202. ISBN 0-19-280320-4. 
  2. "'Augustus' Gaius Julius Octavius". Arquivado dende o orixinal o 18 de marzo de 2016. Consultado o 17 de marzo de 2016. 
  3. "Inscription on Porta Tiburtina in Rome". Arquivado dende o orixinal o 10 de febreiro de 2001. Consultado o 17 de marzo de 2016. 
  4. "Ostentatiously rejecting divinity on his own account, he rose to power via Caesar's divine image instead" (Augustus, by Pat Southern, p. 63).
  5. Coins of the Emperor Augustus Arquivado 25 de maio de 2009 en Wayback Machine.; exemplos son moedas do ano 38 a.C. coa inscrición "Divi Iuli filius", e outra do 31 a.C. coa inscrición "Divi filius" (Auguste vu par lui-même et par les autres por Juliette Reid Arquivado 19 de marzo de 2009 en Wayback Machine.).
  6. "Tae Hun Kim, «The Anarthrous υἱὸς θεοῦ in Mark 15,39 and the Roman Imperial Cult»". Arquivado dende o orixinal o 28 de agosto de 2008. Consultado o 17 de marzo de 2016.