Albatros

Os albatros^[1] ou diomedeidos (Diomedeidae) son unha familia de aves mariñas de grandes dimensións que, xunto cos procelaríidos, hidrobátidos e pelecanoides forman a orde Procellariiformes.^[2] Distribúense por case toda a extensión do océano Antártico e o norte do océano Pacífico. Están entre as aves voadoras de maiores dimensións. Os grandes albatros (xénero Diomedea) teñen a maior envergadura alar de calquera especie existente na actualidade. Distribúense tradicionalmente en catro xéneros, aínda que existe desacordo en canto ao número de especies.

Albatros

Phoebastria albatrus

Clasificación científica

Reino:	Animalia
Filo:	Chordata
Clase:	Aves
Subclase:	Neornithes
Orde:	Procellariiformes
Familia:	Diomedeidae Gray, 1840

Xéneros e especies

Ver texto

Os albatros móvense de xeito moi eficiente no aire e empregando o planeo dinámico cobren grandes distancias con pouco esforzo. Aliméntanse de luras, peixes e krill, ben recollendo animais mortos ou capturando o seu alimento vivo na superficie da auga ou mergullandose. Son aves coloniais e a maioría aniña en illas oceánicas remotas, a miúdo compartindo o seu territorio de nidificación con outras especies. Establecen unha relación monogámica que dura toda a súa vida.

Das 22 especies recoñecidas pola Unión Internacional para a Conservación da Natureza (UICN), 8 son vulnerables, 6 corren perigo de extinción e 4 atópanse en perigo crítico de extinción.^[3]

Especies e xéneros

Acéptase comunmente a división da familia Diomedeidae en catro xéneros, porén o número de especies aínda está aberto a debate. A Unión Internacional para a Conservación da Natureza (UICN) e Birdlife International, entre outros, recoñecen a taxonomía interina de 22 especies existentes e outras autoridades manteñen as 14 especies máis tradicionais e a taxonomía de Clements recoñece só 13.^[4] A continuación relaciónanse as incluídas pola UICN:^[3]

Diomedea exulans.

Xénero Diomedea
- D. exulans
- D. (exulans) antipodensis
- D. (exulans) amsterdamensis
- D. (exulans) dabbenena
- D. epomophora
- D. (epomophora) sanfordi
Xénero Phoebastria
- P. irrorata
- P. albatrus
- P. nigripes
- P. immutabilis

Thalassarche chlororhynchos.

Xénero Thalassarche
- T. melanophrys
- T. (melanophrys) impavida
- T. cauta
- T. (cauta) steadi
- T. (cauta) eremita
- T. (cauta) salvini
- T. chrysostoma
- T. chlororhynchos
- T. (chlororhynchos) carteri
- T. bulleri
Xénero Phoebetria
- P. fusca
- P. palpebrata

Notas

↑ "Entrada albatros en Digalego". Arquivado dende o orixinal o 28 de febreiro de 2019. Consultado o 27 de febreiro de 2019.
↑ Con todo a taxonomía de Sibley-Ahlquist sitúaos na orde Ciconiiformes. Ver a sección Taxonomía e evolución deste artigo.
↑ ^3,0 ^3,1 "Diomedeidae" (en inglés). Lista Vermella da UICN. 2009. Consultado o 7 de abril de 2010.
↑ Cornell Lab of Ornithology. "Clement's Checklist 6.3" (en inglés). Arquivado dende o orixinal o 10 de outubro de 2009. Consultado o 5 de outubro de 2009.

Véxase tamén

Outros artigos

Ligazóns externas

Vídeos de albatros Arquivado 14 de marzo de 2016 en Wayback Machine. en Internet Bird Collection
Campaña "Salvar el albatros" Arquivado 02 de abril de 2010 en Wayback Machine. Royal Society for the Protection of Birds (en inglés).

[1] "Entrada albatros en Digalego". Arquivado dende o orixinal o 28 de febreiro de 2019. Consultado o 27 de febreiro de 2019.

[2] Con todo a taxonomía de Sibley-Ahlquist sitúaos na orde Ciconiiformes. Ver a sección Taxonomía e evolución deste artigo.

[UICN-3] 3,0 ^3,1 "Diomedeidae" (en inglés). Lista Vermella da UICN. 2009. Consultado o 7 de abril de 2010.

[4] Cornell Lab of Ornithology. "Clement's Checklist 6.3" (en inglés). Arquivado dende o orixinal o 10 de outubro de 2009. Consultado o 5 de outubro de 2009.

[1]

[2]

[3]

[4]