Diamantes de sangue

Para o filme véxase: Diamante de sangue (filme).

Os diamantes de sangue ou diamantes de guerra son aqueles diamantes obtidos nunha zona de guerra, mediante o uso de escravos ou persoas en réxime de semiescravitude. Usualmente asócianse cos que financiaban os conflitos que tiveron lugar a mediados dos anos 90 e a comezos da primeira década do terceiro milenio en África Occidental.

Buscador de diamantes en Serra Leoa.

Nalgúns casos, as Nacións Unidas sancionaron a exportación destes diamantes, argumentando que financian exércitos enfrontados a gobernos legais ou ben involucrados en graves violacións dos Dereitos humanos prolongando desta forma os conflitos. En concreto, sinalábase á UNITA de Angola e ó Revolutionary United Front de Serra Leoa como provedores de diamantes de guerra. Nestes casos, usualmente son vendidos no mercado negro.

Cultura popular

En 2006 estreouse o filme Diamante de sangue, no cal se fai un relato sobre o xeito no que as grandes multinacionais explotadoras de diamantes os adquiren no mercado ilegal e como manipulan o mercado legal e os seus prezos. Pola súa banda, a canle History Channel difundiu un documental chamado Diamantes de sangue, sobre o negocio dos Diamantes de Conflito e como lograron erradicar isto nos países de América.

Véxase tamén

Ligazóns externas

• Postura da ONU
• Informe dos diamantes en Angola Arquivado 16 de marzo de 2011 en Wayback Machine.