Dialecto guipuscoano

O guipuscoano (gipuzkera en éuscaro) é un dialecto do éuscaro, tamén coñecido como dialecto central, que se fala na parte central de Guipúscoa así como no val de Sakana (Navarra).

Guipuscoano ou central, segundo Koldo Zuazo.

Extensión

O guipuscoano non se fala en toda Guipúscoa. Na conca do río Deba, desde Salinas de Léniz ata Elgoibar, fálase biscaíño, e en Oiartzun e na conca do río Bidasoa fálase alto-navarro. Con todo, a fronteira entre o guipuscoano e o alto-navarro está cambiando en favor dos trazos guipuscoanos, seguramente a consecuencia do prestixio que tivo durante moito tempo e a influencia dos medios de comunicación en Guipúscoa.

Variantes do guipuscoano

O guipuscoano actual ten catro variantes principais:

• Variante de Beterri (desde a zona de Tolosa ata Donostia).
• Variante do Goyerri.
• Variante da zona de Urola (desde Zarauz a Mutriku).
• Gipuzcoano de Navarra (Burunda, Echarri-Aranaz).

Importancia

O guipuscoano foi un dos principais dialectos históricos do éuscaro, e foi lingua literaria desde o século XVIII en diante.

Hoxe en día o guipuscoano, do mesmo xeito que os demais dialectos do éuscaro, e en xeral o éuscaro que falan os guipuscoanos, está cambiando co éuscaro batúa, debido á forza que teñen os medios de comunicación e a literatura.

Véxase tamén

Outros artigos

• Éuscaro batua
• Dialecto alavés
• Dialecto biscaíño
• Dialecto alto-navarro
• Dialecto labortano
• Dialecto baixo-navarro
• Dialecto suletino
• Dialecto roncalés

Ligazóns externas

• Web sobre o éuscaro dialectal