Despe e Siga
Despe e Siga é unha banda portuguesa, que foi creada como unha especie de alter-ego da banda Peste & Sida, polos mesmos membros desta banda. Un dos seus maiores éxitos foi 'Festa' de 1994.
| Despe e siga | |
|---|---|
| Orixe |  Portugal |
| Período | 1994-2000 |
| Xénero(s) | ska |
| Membros | Luís Varatojo João San Payo Nuno Rafael Sérgio Nascimento Marco Franco |
| Na rede | |
   | |
Historia editar
No inicio da década dos 90, os membros Luís Varatojo, João San-Payo, Fernando Raposo e Nuno Rafael dos Peste & Sida fixeron as primeiras aparicións baixo o nome Despe e Siga. O concepto era tocar versións de bandas coñecidas, como os The Pogues ou os Madness, e cantalas en portugués.[1] En 1992, entraron na banda os reforzos João Cardoso (teclado) e Marco Franco (batería), que un ano máis tarde deixaría o seu lugar a Sérgio.
O primeiro disco, "Despe e Siga", chegou ás tendas en 1994, e incluía versións que a banda acostumaba tocar en bares, como "Festa" (versión do orixinal dos The Pogues, "Fiesta"), "Bué de Baldas" (inspirado en "Baggy Trousers" dos Madness") e "Bule Bule" (versión para "Woolie Buly" xa dos tempos dos Peste & Sida).[1] O disco contaba con participacións dos músicos convidados Gui (saxofone), dos Xutos & Pontapés, e Sandra Baptista (acordeão), dos Sitiados .
A participación no disco "Espanta Espíritos", ocorreu o ano seguinte, co tema "Familia Virtual", onde entra o fadista Alcindo de Carvalho.[1]
En 1996, sae João San-Payo e entra Ricardo Aires (baixo) e chega ás tendas o álbum "Os Primos". O tema "Tou bo" contou coa axuda de Sérgio Godinho.[1] En 1998, os Despe e Siga foron un dos grupos convidados para o disco Ao vivo na Antena 3, onde gravaron dous temas no auditorio da RDP. Tamén participaron no recompilatorio A cantar con Xabarín da Televisión de Galicia.
O terceiro disco, "99.9", editado en 1999, está composto na súa totalidade por temas orixinais. Foi producido por Mário Barreiros e reúne temas como "Manual do Gelo", "Rádio Ska" e "Lunamóvel".
Discografía editar
- Despe e Siga (CD-BMG-1994)
- Os Primos (CD-BMG-1996)
- 99.9 (CD-SONY-1999)
Coleccións editar
- Espanta Espíritos - "Familia Virtual"
- A Cantar Con Xabarín 3/4 - "Astro da Bóla"
- Ao vivo Na Antena 3 - "Tv ska" / "Bué da Baldas"
- XX Anos XX Bandas - "Vida Malvada"
Vídeos editar
- Ao vivo 95
- Os Primos
Notas editar
- ↑ 1,0 1,1 1,2 1,3 "Copia arquivada". Arquivado dende o orixinal o 21 de xullo de 2015. Consultado o 03 de maio de 2018.