Dentículo dérmico

Para outras páxinas con títulos homónimos véxase: Dentículo.

Os dentículos dérmicos, ou simplemente dentículos, son estruturas que se encontran na superficie corporal de moitos peixes cartilaxinosos e insectos.

Dentículos dérmicos do tiburón limón (Negaprion brevirostris) vistos no microscopio electrónico.

Nos peixes cartilaxinosos, como os tiburóns, os dentículos substitúen a función das escamas dos peixes óseos. Teñen unha estrutura similar á dos dentes, e é posíbel que os dentes evolucionaran dos dentículos nos peixes primitivos. Nos tiburóns fórmanse da dentina de papilas cutáneas. A forma dos dentículos varía segundo as especies e pode ser utilizada na súa identificación.

A pel denticulada dos tiburóns pode ser tan áspera como unha lixa, e nalgunhas sociedades usábase para tal fin. Porén, a textura rasposa só se sente cando se pasa a man no sentido da cola á cabeza; se se fai en sentido oposto, produce unha sensación de suavidade.

A función dos dentículos é crear unha barreira en contra da auga para facilitar a natación. Ademais, permiten que os tiburóns naden silenciosamente para non seren detectados polas presas e/ou outros depredadores.

Tense observado que algúms tiburóns chegan a utilizar a textura da súa pel para infrinxir feridas ás súas presas.