David Ortiz
David Ortiz Borrás, nado na Coruña o 19 de maio de 1975, é un camareiro e cocteleiro galego. É coñecido pola súa achega á coctelería innovando na súa creación con produtos locais nunca antes usados como o grelo ou o pemento de Padrón ou pola publicación, no ano 2016, do seu primeiro libro O libro dos cócteles[1] (Edición Xerais) que pretende encher o baleiro que había en Galicia de literatura e documentación respecto o mundo da coctelería.
  | |
| Biografía | |
|---|---|
| Nacemento | 19 de maio de 1975 (48 anos) A Coruña, España |
| Datos persoais | |
| País de nacionalidade | España |
| Coñecido por | Dono do Baobab Cocktail Bar Autor do libro "O libro dos cocteles" |
| Actividade | |
| Ocupación | Bartender e escritor |
| Lingua | Lingua castelá |
 | |
Traxectoria editar
A comezos do 2000 David Ortiz inicia a súa actividade na hostalería ata que no 2005 decide crear o Baobab Cocktail Bar[2], lugar que de seguido se torna nun referente da coctelería na Coruña. Comeza así un proceso de aprendizaxe persoal e de profundar no coñecemento da coctelería clásica que servirían como base para, posteriormente, permitirlle innovar e experimentar con cócteles propios de autor.
Asentado o Baobab, co paso dos anos, como un local referente na coctelería galega e europea, David comeza unha etapa na que procura incorporar elementos propios da terra á coctelería. É o caso, por exemplo, do Grelo soul[3], un cóctel creado a partir do grelo. É unha etapa na procura de novos sabores e de innovación aportando ingredientes locais que fan que transgreda as fronteiras da coctelería clásica cara a unha coctelería de autor onde os produtos da terra, como o grelo ou o pemento de Padrón, e os traballos de cociña a base de maceracións, siropes e shrubs aporten o toque de distinción e selo propio que David procura.
No 2016, adquirida a experiencia precisa e cun nome recoñecido no mundo da coctelería, publica da man de Edición Xerais O libro dos cocteles, o seu primeiro libro en galego no que recopila as receitas de tragos clásicos. Cumpre con este libro con dúas metas: envorcar os coñecementos adquiridos ao longo destes anos nun recompilatorio e guía para vindeiros bartenders ou afeccionados á coctelería e encher un baleiro editorial en Galicia respecto á literatura relacionada coa coctelería.
Na actualidade David Ortiz compaxina a procura de novos sabores[4] con produtos típicos galegos coa divulgación da cultura do cóctel a través da prensa, televisión e da radio.
Obra editar
- O libro dos cócteles[5]
Notas editar
Véxase tamén editar
Ligazóns externas editar
- "Y el cóctel se hizo... carne o pescado", La Voz de Galicia, 4 de xullo de 2015.
- "La coctelería es algo muy sencillo que puedes complicar hasta el infinito", La Voz de Galicia, 8 de agosto de 2016.
- "Las recetas de tus cócteles favoritos, en gallego", La Voz de Galicia, 3 de xullo de 2016.
- "'O libro dos cócteles', de David Ortiz Borrás", Galicia por diante da TVG, 20 de xullo de 2016.
- "Bordello, coctelería a medida para proyectar a Galicia en el mundo", El Ideal Gallego, 1 de marzo de 2017.
- Crítica do libro "O libro dos cocteles" Arquivado 02 de setembro de 2017 en Wayback Machine.