David Dodd Hand, nado en Plainfield (Nova Jersey) o 23 de xaneiro de 1900 e finado en San Luis Obispo (California) o 11 de outubro de 1986, foi un realizador de debuxos animados estadounidense, coñecido polos seus traballos na Walt Disney Productions. Hand colaborou en numerosas curtas de Disney durante os anos trinta, sendo director dos clásicos Snow White and the Seven Dwarfs e Bambi.

David Hand
Nacemento23 de xaneiro de 1900
Lugar de nacementoPlainfield
Falecemento11 de outubro de 1986
Lugar de falecementoSan Luis Obispo
NacionalidadeEstados Unidos de América
Ocupacióndirector de cinema, produtor de cinema, animador e realizador
PremiosDisney Legends, Winsor McCay Award e Retro Hugo Award
Na rede
IMDB: nm0359457 Allocine: 66540 Allmovie: p93312 WikiTree: Hand-2485 Editar o valor em Wikidata
editar datos en Wikidata ]

Traxectoria editar

Hand comezou a súa carreira como animador na serie de debuxos mudos Out of the Inkwell durante os anos vinte. Uniuse ao estudio de Disney en 1930, durante un impulso de Disney de recrutar ao mellor do mundo da animación. Hand logo destacaría, contribuíndo nas Silly Symphonies en títulos como Midnight in a Toy Shop, The China Plate e Egyptian Melodies.

En 1932 foi considerado nun dos mellores animadores da Disney (a pesar dalgunhas críticas como que o seu traballo era "demasiado mecánico"),[1] como tamén se converteu nun dos mellores amigos de Walt Disney. A habelencia organizativa de Hand converteuno no terceiro director dos estudios de Disney tras Burt Gillett e Wilfred Jackson. Fixo o seu debut como director da compañía coa curta de Mickey Mouse Building a Building, e seguiu como director da serie das Silly Symphonies como tamén de máis curtas Mickey Mouse, con títulos tales como The Flying Mouse, Who Killed Cock Robin?, Three Orphan Kittens e Thru the Mirror. A finais dos anos trinta, a habelencia de xestión de Hand permitiulle ascender na xerarquía do Estudio para acabar sendo a man dereita do propio Disney. Pero como o historiador Michael Barrier anota: "A posición de Hand era totalmente insostible. El era o segundo dunha organización cun líder que, máis novo que o propio Han, non tiña intención ningunha de pórse a un lado nin de compartir poder."[1]

Tras abandonar Disney en 1944, Hand foise para Inglaterra para a prestixiosa Gaumont British Animation de J. Arthur Rank en Moor Hall en 1946 para producir as series de debuxos de Animaland (9)[2] e Musical Paintbox (10).[3][4] Cando estes foron incapaces de ser distribuídos polos Estados Unidos o estudio pechou en 1950 e Hand trasladouse a Colorado onde traballou os dezaoito anos seguintes na Alexander Film Company, facendo tanto anuncios como filmes.[1] O seu peche puxo fin aos plans do estudio de producir dúas longametraxes animadas das adaptacións de The First Men in the Moon de H. G. Wells como tamén de The Hunting of the Snark de Lewis Carroll.[5]

O fillo de Hand, David Hale Hand, formou David Hand Productions, que é dona dos dereitos das dezanove curtas da Gaumont (nove de Animaland e dez de Musical Paintbox) e espera producir novos filmes con personaxes das curtas (por exemplo Ginger Nutt). En 1994, Hand foi recoñecido, a título póstumo, dentro das Disney Legends, persoas que axudaron a facer da Disney o que foi.

Filmografía editar

Como animador editar

Como realizador editar

Como produtor editar

Notas editar

Véxase tamén editar

Ligazóns externas editar