Cuchillo de Fuego
Cuchillo de Fuego é unha banda galega de hardcore punk formada en 2013 en Pontevedra ligada á asociación cultural Liceo Mutante. Ata a data levan publicados dous álbums de estudio, Triple España (2014) e Megavedra (2017), e o disco compartido Cuchillo de Fuego/Extinción de los Insectos Split 12" (2017).
Cuchillo de Fuego | |
---|---|
A banda tocando no Liceo Mutante | |
Orixe | Pontevedra, Galicia |
Período | 2013-presente |
Xénero(s) | hardcore punk |
Selo(s) discográfico(s) | Chingaste la Confianza, Existencia, El Morro de Alf, Amawisca, Humo |
Membros | Xosé Lois García Juan F. Navazas Hugo Santeiro Guillermo García |
Antigos membros | Berto Fojo Álex Gayoso Álvaro Gallego |
Na rede | |
Bandcamp |
Historia
editarCuchillo de Fuego formárona o guitarrista Xosé Lois García (Sierpes de la Luz) e o vocalista Juan F. Navazas (Los Collares de Perlas) no ano 2013. Ao pouco tempo uníronse o baixista Álex Gayoso (Unicornibot, diola) e o batería Berto Fojo (Djalminha) e gravaron o seu primeiro álbum, Triple España, nos Estudios Montealto da Coruña. O traballo foi publicado o 19 de setembro de 2014 a través dos selos Chingaste la Confianza, Existencia, El Morro de Alf e Amawisca.[1]
A finais de 2016 Álvaro Gallego, membro de Guerrera, substituíu a Álex Gayoso no baixo.[2]
No ano 2017 editaron o disco compartido Cuchillo de Fuego/Extinción de los Insectos Split 12" coa banda madrileña Extinción de los Insectos, formado por sete temas dos que tres son do grupo galego.[3] No mes de outubro dese mesmo ano saíu á luz o seu segundo álbum, Megavedra, gravado nos estudios La Cortina Roja da Coruña e publicado polo selo Humo.[4]
Antes do lanzamento do disco lanzaron o videoclip do seu sinxelo "Nocturno", realizado polo director de Wakaliwood Isaac Godfrey en Kampala, Uganda.[5]
Pouco despois da publicación de Megavedra Álvaro Gallego deixou Cuchillo de Fuego, sendo substituído por Hugo Santeiro (Guerrera), e a comezos de 2018 Berto Fojo tamén abandonou a banda para centrarse nos seus proxectos persoais, ocupando o seu lugar na batería Guillermo García (Unicornibot).[6]
Discografía
editarÁlbum | Ano | Selo |
---|---|---|
Triple España | 2014 | Chingaste la Confianza, Existencia, El Morro de Alf, Amawisca |
Cuchillo de Fuego/Extinción de los Insectos Split 12" | 2017 | Afeite al Perro y Amawisca |
Megavedra | 2017 | Humo |
Notas
editar- ↑ "Triple España by Cuchillo De Fuego". Bandcamp. Consultado o 21 de setembro de 2018.
- ↑ "Voltamos a tocar este venres na mítica Iguana despois de bastante tempiño". Facebook. Consultado o 21 de setembro de 2018.
- ↑ "Cuchillo de Fuego / Extinción de los Insectos Split 12" by Cuchillo De Fuego". Bandcamp. Consultado o 19 de setembro de 2018.
- ↑ "Megavedra". Bandcamp. Arquivado dende o orixinal o 21 de setembro de 2018. Consultado o 21 de setembro de 2018.
- ↑ "Cuchillo de Fuego nos hablan de su vídeo rodado en el Hollywood de Uganda". El País. Consultado o 21 de setembro de 2018.
- ↑ "Hace unos días se cumplen cuatro años desde que dimos nuestro primer concierto". Facebook. Consultado o 21 de setembro de 2018.
Véxase tamén
editarBibliografía
editar- Boullosa, L. (2016). "Cuchillo de Fuego - Fabuloso Combo Espectro. Hacia un nuevo punk". Santos y francotiradores. Supervivencia, literatura y Rock & Roll. 66RPM Edicions. pp. 198–228. ISBN 9788494533051.