Correola

Para outras páxinas con títulos homónimos véxase: Correola (homónimos).

As correolas son plantas pertencentes ao xénero Convolvulus que conta cunhas 250 especies de plantas de flor na familia Convolvulaceae. Distribúense en moitas rexións temperadas. Son plantas de porte fino e miúdo, rubideiras e moitas con hábitos rastreiros. Teñen follas simples, en espiral e flores anchas con forma de trompeta.

Correola tricolor
Convolvulus tricolor

Comúns en Galiza, reciben tamén os nomes dialectais de corriola, corregola e corregota.

Descrición

Son plantas anuales ou perennes de porte herbáceo ou rubideiras e algunhas especies de maior porte arbustos, acadando de 0,3 a 2 m de altura. As follas distribúense en espiral, e as flores teñen forma de trompeta, presentando especialmente cores brancas e rosadas, mais tamén azuis, violetas, púrpura ou amarelas nalgunhas especies.

Usos

Moitas das especies de Convolvulus están consideradas como herbas daniñas, que poden sufocar e abafar outras plantas máis valiosas gabeando nelas. Porén algunhas especies cultívanse coma ornamentais en xardinaxe, grazas ás súas atractivas flores.

As especies de Convolvulus serven de base na alimentación de larvas dalgunhas especies de lepidópteros incluída a especie furadora de follas Bucculatrix cantabricella que se alimenta exclusivamente da especie Convolvulus cantabricus.

Etnografía

Cantiga popular

Teño unha hèrba n'a hòrta

que lle chaman correòla.

Para falar ti comigo,

còmprech'un ano d'escòla

Especies

Algunhas especies comúns en Galiza

• Convolvulus arvensis: a correola menor ou capelo.
• Convolvulus sepium: a herba roqueira.
• Convolvulus soldanella, a correola das praias ou soldanela.

Listaxe xeral de especies

Convolvulus althaeoides Convolvulus angustissimus Convolvulus arvensis Convolvulus assyricus Convolvulus boissieri Convolvulus calvertii Convolvulus calycina Convulvulus canariensis Convolvulus cantabrica Convolvulus capensis Convolvulus cataonnicus Convolvulus chilensis Convolvulus cneorum Convolvulus compactus Convolvulus dorycnium Convolvulus equitans Convolvulus erubescens Convolvulus eyreanus Convolvulus floridus Convolvulus fractosaxosa Convolvulus graminetinus

Convolvulus hermanniae Convolvulus holosericeus Convolvulus humilis Convolvulus incanus Convolvulus lineatus Convolvulus nodiflorus Convolvulus ocellatus Convolvulus oleifolius Convolvulus pentapetaloides Convolvulus persicus Convolvulus phrygius Convolvulus pilosellifolius Convolvulus remotus Convolvulus sabatius Convolvulus scammonia Convolvulus scoparius Convolvulus siculus Convolvulus suffruticosus Convolvulus tricolor Convolvulus verecundus Convolvulus waitaha Convolvulus wallichianus

Galería de imaxes

• 
  Correola menor (Convolvulus arvensis).
• 
  Convolvulus althaeoides.
• 
  Convolvulus cneorum.
• 
  Convolvulus sabatius.

Notas

• Flora Europea: Convolvulus
• Flora da China: Convolvulus

Véxase tamén