Consellería de Medio Ambiente

A Consellería de Medio Ambiente foi unha antiga consellaría da Xunta de Galicia. As súas competencias actuais foron incorporadas á Consellería de Medio Ambiente, Territorio e Infraestruturas.

Historia

As competencias sobre o medio ambiente foron tradicionalmente exercidas na década dos oitenta e nos primeiros noventa pola consellería de Agricultura que incorporaba, explícita ou implicitamente a xestión dos recursos forestais. A primeira consellería de Medio Ambiente de forma independente créaa Manuel Fraga en 1997 e o seu primeiro titular foi Carlos del Álamo. A consellería perdería a súa autonomía en 2009 ao integrarse na Consellería de Medio Ambiente, Territorio e Infraestruturas.

Conselleiros

• Carlos del Álamo (1997-2003). Co cargo de conselleiro de Medio Ambiente.
• Xosé Manuel Barreiro (2003-2005).
• Pachi Vázquez (2005-2009). Co cargo de conselleiro de Medio Ambiente e Desenvolvemento Sostible.