Consellería de Emigración
A Consellería de Emigración foi unha antiga consellería da Xunta de Galicia que se encargou de tarefas relacionadas coa relación coas comunidades galegas no exterior, aínda que tamén asumiu temporalmente competencias en materia de cooperación para o desenvolvemento con terceiros países. Na actualidade, as competencias sobre emigración recaen directamente no presidente da Xunta a través da figura dunha secretaría xeral.
| Consellería de Emigración | |
|---|---|
| Tipo | consellería da Xunta de Galicia |
| Data de fundación | 2001 |
| Data de disolución | 2005 |
| País | España |
| [ editar datos en Wikidata ] | |
Historia editar
Dende os primeiros tempos da Xunta de Galicia, en 1982, a consellería de Emigración estivo enmarcada competencialmente dentro da área da consellería de Traballo, e recollida explicitamente no título ata 1983. Despois dese momento desapareceu, coas súas competencias asumidas por outros departamentos, e non se volveu recuperar ata 2001, xa como consellería de seu. Desapareceu de novo en 2005, integrada nos asuntos de xestión directa do presidente da Xunta.
Conselleiro editar
- Aurelio Miras Portugal (2001-2005). Ata 2003 baixo o nome de Consellería de Emigración e Cooperación Internacional, e dende 2003 xa só como consellería da Emigración.