Clorosulfolípido
Os clorosulfolípidos son unha clase de compostos naturais que se caracterizan por ser estereoquimicamente complexos. Estes estruturas policloradas foron illadas das algas de augas doces Ochromonas danica e propúxose que desempeñan un papel estrutural nas membranas de dita especie.[1] O alto grao de cloración deses produtos naturais sospéitase que está influenciado pola concentración de ión cloro no ambiente circundante. Ademais de seren compoñentes integrais de membranas de algas, os clorosulfolípidos son tamén inhibidores de proteína quinases. Ademais, algunhas destas complexas moléculas que foron illadas de mexillóns que estaban tóxicos están asociados co envelenamento diarreico do marisco.[2] O lípido malhamensilipina A, illado polos grupos de Slate e Gerwick en 1994, mostrou ter tanto actividade antimicrobiana coma inhibitoria da proteína tirosina quinase pp60.[3]
Biosíntese da danicalipina A editar
Inicialmente, constrúese o ácido docosanoico (ácido behénico) (2 no esquema) pola vía da síntese de ácidos graxos. Elovson demostrou que o grupo hidroxilo secundario C-14 da molécula 3 se incorporaba por oxidación do ácido graxo con oxíxeno molecular, como oposto da hidratación de alquenos con auga. O seguinte paso implica a transferencia mediada por encima do grupo sulfato desde o 3’-fosfoadenosina 5’-fosfosulfato (PAPS) ao diol para formar a molécula 4.[4] Walsh demostrou que a haloxenación de grupos metilo inactivados pode ser catalizada por unha nova clase descuberta de α-cetoglutarato-dependentes non-hemo ferro haloxenases, o que suxire que unha familia encimática similar podería intervir na cloración dos clorosulfolípidos.[5] A cloración paso a paso ocorre por un mecanismo de radical independente de orde.[6]
Notas editar
- ↑ Chen, L. L.; Pousada, M.; Haines, T. H. J. Biol. Chem. 1976, 251, 1835–1842
- ↑ Elovson, J.; Vagelos, P. R. Proc. Natl. Acad. Sci. U.S.A. 1969, 62, 957–963
- ↑ J. L. Chen, P. J. Proteau, M. A. Roberts, W. H. Gerwick, D. L. Slate and R. H. Lee, J. Nat. Prod., 1994, 57, 524–527
- ↑ C. L. Mooney and T. H. Haines, Biochemistry, 1973, 12, 4469–4472
- ↑ F. H. Vaillancourt, J. Yin and C. T. Walsh, Proc. Natl. Acad. Soc. USA, 2005, 102, 10111–10116
- ↑ G. Thomas and E. I. Mercer, Phytochemistry, 1974, 13, 797–805