Henri de Saint Simon

Para outras páxinas con títulos homónimos véxase: Saint-Simon.

Claude Henri de Rouvroy, conde de Saint Simon, nado en París o 17 de outubro de 1760 e finado na mesma cidade o 19 de maio de 1825, foi un filósofo, economista e teórico da sociedade industrializada nos seus inicios.

Henri de Saint Simon
Nacemento	17 de outubro de 1760
Lugar de nacemento	París
Falecemento	19 de maio de 1825
Lugar de falecemento	París
Soterrado	Cemiterio do Père-Lachaise
Nacionalidade	Francia
Ocupación	filósofo, economista, xornalista, historiador, escritor, sociólogo, enxeñeiro civil, enxeñeiro, urbanista e político
Cónxuxe	Sophie de Bawr
Irmáns	André Louis de Saint-Simon e Marie Louise St. Simon-Montléart
Na rede
[ editar datos en Wikidata ]

Traxectoria

É o fundador do saint-simonismo, as súas ideas tiveron unha posteridade e unha influencia sobre a maioría dos filósofos do século XIX. É o pensador da sociedade industrial francesa, cando estaba a suplantar o Antigo Réxime. O historiador André Piettre descríbeo coa fórmula: «O último xentilhome e o primeiro socialista». É o curmán afastado do duque de Saint-Simon, célebre memorialista na corte de Luís XIV e da Rexencia trala morte de Luís XIV.

Neno máis ben turbulento, Claude Henri de Rouvroy de Saint Simon recibiu da educación dun preceptor as ensinanzas de D'Alembert e Rousseau.

Adepto ás ideas novas, o novo aristócrata comprometeuse aos 17 anos no exército de liberación dos Estados Unidos ao lado do Marqués de La Fayette e do conde de Rochambeau. Durante a Revolución Francesa, abandonou a partícula de nobreza pasando ao nome de Saint-Simon, e enriqueceuse pola venda dos bens da Igrexa.

Véxase tamén

Outros artigos

• Socialismo utópico