Abrir o menú principal

Cininóxeno de alto peso molecular

Identificadores
Símbolo KNG1
Símbolos alt. KNG, BDK
Entrez 3827
HUGO 6383
OMIM 612358
RefSeq NM_001102416
UniProt P01042
Outros datos
Locus Cr. 3 q21-qter

O cininóxeno de alto peso molecular (HMWK ou HK polas súas siglas en inglés) é unha proteína plasmática circulante que participa na iniciación da coagulación do sangue, e na xeración do vasodilatador bradicinina por medio do sistema cinina-calicreína. O HMWK é inactivo ata que se adhire a proteínas de unión baixo un endotelio alterado por unha lesión, iniciando así a coagulación, ou ben se une a células do endotelio intactas ou a plaquetas para outras funcións distintas da coagulación.

Outros nomesEditar

No pasado o HMWK fora chamado factor HMWK-calicreína, factor de Flaujeac (1975),[1] factor de Fitzgerald (1975),[2] e factor de Williams-Fitzgerald-Flaujeac, epónimos de persoas nas que primeiro se observou a deficiencia de HMWK. O seu actual nome aceptado diferénciao do cininóxeno de baixo peso molecular (LMWK), que ten unha función similar á do HMWK nos tecidos (en vez de no soro) no sistema cinina-calicreína.

Estrutura e funciónEditar

 
Estrutura de dominios dos dous cininóxenos e xene do que proceden. Obsérvese o empalme alternativo no extremo 3', que afecta aos dominios 5 e 6.

O HMWK é unha alfa-globulina con seis dominios funcionais. Circula como un polipéptido dunhha soa cadea de 626 aminoácidos. A súa proteólise pola calicreína orixina o péptido HMWKa e a bradicinina.[3] O HMWKa consta de dúas cadeas. A cadea pesada contén os dominios 1, 2 e 3; a cadea lixeira, dominios 5 e 6. O dominio 4 enlaza as cadeas pesada e lixeira e orixina a bradicinina.[4]

Os dominios conteñen os seguintes sitios funcionais:

  • Dominio 1 - unión ao calcio
  • Dominio 2 - inhibición da cisteína protease
  • Dominio 3 - inhibición da cisteína protease; unión a células endoteliais e plaquetas
  • Dominio 4 - xeración de bradicinina
  • Dominio 5 - unión a células e á heparina; propiedades antianxioxénicas; unión a superficies cargadas negativamente
  • Dominio 6 - unión á precalicreína e ao factor XI (aminoácidos 420 a 510) (rica en histidina)

O HMWK é unha das catro proteínas que interaccionan para iniciar a vía de activación por contacto (tamén chamada vía intrínseca) da coagulación do sangue: as outras tres son o factor XII, o factor XI e a precalicreína. O HMWK non é activo encimaticamente e só funciona como cofactor para a activación da calicreína e o factor XII. Tamén é necesario para a activación do factor XI polo factor XIIa.

O HMWK é tamén o precursor da bradicinina;[5] este vasodilatador é liberado por retroalimentación positiva pola calicreína.

O HMWK é un forte inhinbidor de cisteína proteinases. Os responsables desta actividade son os dominios 2 e 3 da súa cadea pesda.[6]

XenéticaEditar

O xene para o LMWK e o HMWK é o mesmo e está localizado no cromosoma 3 (3q26).[7] Este xene orixina por empalme alternativo dous transcritos, que se traducen nos dous tipos de cininóxenos.

MedidaEditar

A medida do HMWK faise xeralmente con estudos mixtos, no cal plasma deficiente en HMWK mestúrase coa mostra do paciente e determínase o tempo parcial de tromboplastina. Os resultados exprésanse nun % do normal, e un valor do 60% indica unha deficiencia.

Características clínicasEditar

A existencia do HMWK foi hipotetizado en 1975 cando se describiron varios pacientes que tiñan unha deficiencia dun tipo de proteína do plasma e un tempo de sangría e tempo parcial de tromboplastina prolongados.[8] Non hai un aumento do risco de hemorraxias nin ningún outro síntoma, polo que esta deficiencia é un carácter ou trazo, non unha doenza.[9]

NotasEditar

  1. Wuepper KD, Miller DR, Lacombe MJ (December 1975). "Flaujeac trait. Deficiency of human plasma kininogen". The Journal of Clinical Investigation 56 (6): 1663–72. PMC 333145. PMID 127805. doi:10.1172/JCI108248. 
  2. Waldmann R, Abraham JP, Rebuck JW, Caldwell J, Saito H, Ratnoff OD (April 1975). "Fitzgerald factor: a hitherto unrecognised coagulation factor". Lancet 1 (7913): 949–51. PMID 48123. doi:10.1016/s0140-6736(75)92008-5. 
  3. C F Scott, L D Silver, A D Purdon e R W Colman. Cleavage of human high molecular weight kininogen by factor XIa in vitro. Effect on structure and function. Journal of Biological Chemistry. 5 de setembro, 1985.
  4. Weisel JW1, Nagaswami C, Woodhead JL, DeLa Cadena RA, Page JD, Colman RW. The shape of high molecular weight kininogen. Organization into structural domains, changes with activation, and interactions with prekallikrein, as determined by electron microscopy. J Biol Chem. 1994 Apr 1;269(13):10100-6. PMID 8144509.
  5. Stefan Offermanns, Walter Rosenthal (2008). Encyclopedia of Molecular Pharmacology. Springer. pp. 673–. ISBN 978-3-540-38916-3. Consultado o 11 December 2010. 
  6. Higashiyama S, Ohkubo I, Ishiguro H, Kunimatsu M, Sawaki K, Sasaki M (April 1986). "Human high molecular weight kininogen as a thiol proteinase inhibitor: presence of the entire inhibition capacity in the native form of heavy chain". Biochemistry 25 (7): 1669–75. PMID 3635411. doi:10.1021/bi00355a034. 
  7. Fong D, Smith DI, Hsieh WT (June 1991). "The human kininogen gene (KNG) mapped to chromosome 3q26-qter by analysis of somatic cell hybrids using the polymerase chain reaction". Human Genetics 87 (2): 189–92. PMID 2066106. doi:10.1007/BF00204179. 
  8. Colman RW, Bagdasarian A, Talamo RC, Scott CF, Seavey M, Guimaraes JA, Pierce JV, Kaplan AP (December 1975). "Williams trait. Human kininogen deficiency with diminished levels of plasminogen proactivator and prekallikrein associated with abnormalities of the Hageman factor-dependent pathways". The Journal of Clinical Investigation 56 (6): 1650–62. PMC 333144. PMID 1202089. doi:10.1172/JCI108247. 
  9. OMIM - HIGH MOLECULAR WEIGHT KININOGEN DEFICIENCY 228960