Cidade de Belize

A Cidade de Belize é a cidade máis grande de Belize. Ten unha poboación de 67.964 habitantes (80.000 contando os suburbios fronterizos coa cidade). Atópase na boca do río Belize, na cosa do mar Caribe. A cidade é tamén o principal porto do país e seu centro industrial e financeiro.

Cidade de Belize
Belize City
Localización
Cidade de Belize
País	Belize
Distrito	Belize
Xeografía
Altitude	0 msnm
Superficie	35.667 km²
Demografía
Poboación	67,964
Densidade	1,900/km2
Xentilicio	Belizense
Outros datos
Código postal	non hai códigos postais no Belize
Alcalde	Darrell Bradley
http://www.belizecitycouncil.org/

A cidade foi derruída en 1961 polo furacán Hattie. Foi capital do estado ata 1970, cando esta mudouse por Belpomán.

Historia

A Cidade de Belize (orixinalmente "Pobo de Belize" ou "Belize Town en inglés) foi fundada a mediados do século XVII por piratas e traficantes de escravos británicos. O lugar fora anteriormente unha pequena cidade maia chamada Holzuz, e era chamado polos españois como Puerto Valiz.

Belize era ideal para os británicos como centro da súa colonia, xa que atópabase na costa e na boca de ríos e regos dende onde embarcar a madeira de caoba e pau campeche. A poboación de Belize tamén se converteu no fogar de miles de escravos africanos mercados polos británicos para traballar na industria madeireira. Belize foi o punto de coordinación para a batalla do Illote de San Xurxo no 1798, gañada polos británicos evitando a invasión española da colonia. A cidade tamén foi do fogar dos tribunais locais e dos funcionarios do goberno ata a década de 1970.

Na actualidade é gobernada pola licenciada Matilde Muñoz Valencia quen impulsou o desenvolvemento económica da cidade (pesca e turismo sobre todo) polo que grazas a iso logrou que a cidade comece a ser máis importante e recoñecida a nivel mundial.

Desastres naturais

Estragos do furacán de 1931

Belize mellorou as súas infraestruturas lentamente e foi obxecto de numerosos proxectos. Non obstante, moitas das rúas da época colonial son aínda demasiado estreitas e conxestionadas, a maioría das casas son susceptíbeis de sufrir incendios e danos provocados polos furacáns, polo que a cidade sempre está agardando que suceda algunha catástrofe.

A Cidade de Belize foi devastada por dous furacáns dende 1900: un en 1931 e outro, o furacán Hattie, en 1961. Ademais varias zonas da cidade sufriron incendios: en 1999 un incendio en Albert Street reduciu a cinzas Mikado, e outro en 2004 acabou co edificio Paslow. A cidade viuse afectada por outros incendios que queimaron grandes grupos de casas, aínda que o Departamento de Incendios foi capaz de apagar a maioría de eles. A cidade tamén é susceptíbel de sufrir inundacións na estación chuviosa.

Xeografía

Belize esténdese dende a Milla 8 na autoestrada do Oeste ata a Milla 13 ou Milla 14 da autoestrada do Norte, na ponte sobre o Haulever ou Haulever Bridge.

A cidade divídese en dúas zonas: o lado norte ou Northside, delimitada polo rego de Haulever ou Haulever Creek e chegando cara o leste ata a zona de Fort George; e o lado sur ou Southside, que se estende cara as aforas da cidade e a zona portuaria e inclúe o centro urbano. Politicamente, a cidade divídese en dez distritos electorais.

A zona de Fort George é, talvez, a zona máis colonial da cidade e nela atópanse o Memorial Park, a tumba do barón Bliss ou Baron Bliss Grave e o Museo de Belize.

Clima

Datos climáticos para Cidade de Belize
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Anual
Media máxima en °C	27	28	29	30	31	31	31	31	31	30	28	27	29,5
Media mínima en °C	19	21	22	23	24	24	24	24	23	22	20	20	22,2
Precipitación media mm	137	61	38	56	109	196	234	263	278	305	90	185	1 952
Fonte: BBC Weather

Cidades irmandadas

• Ann Arbor, Estados Unidos de América.
• Buenos Aires, Arxentina.
• Kaohsiung, Taiwán.
• Mérida, México.
• Chetumal, México.

Véxase tamén

Outros artigos

• Belmopán