Chevy Chase

Cornelius Crane "Chevy" Chase, nado o 8 de outubro de 1943 en Manhattan, Nova York, é un humorista, escritor e actor estadounidense.

Chevy Chase
Nome completo	Cornelius Crane Chase
Nacemento	8 de outubro de 1943
Lugar	Manhattan
Nacionalidade	Estados Unidos de América
Educado en	Bard College, Stockbridge School, Riverdale Country School e Haverford College
Pai	Ned Chase
Nai	Cathaline Parker Widdoes
Profesión	actor, guionista, humorista, actor de dobraxe, presentador de televisión, cantante e actor de televisión
Na rede
[ editar datos en Wikidata ]

Chevy Chase en 2010

Traxectoria

Comezou a súa carreira de humorista no grupo de humoristas Channel One dos que foi un dos cofundadores en 1967, actuou en The National Lampoon Radio Hour (1973-1974), un programa de radio creado pola revista National Lampoon, rapidamente converteuse nun membro fixo, como guionista e membro principal do equipo do Saturday Night Live, onde o seu espazo Weekend Update que comezou a emitirse en 1975 fíxose un dos puntos fortes do programa, aumentou a súa popularidade interpretando a Clark Griswold en cinco filmes da serie National Lampoon's Vacation (1983-2010) e outros papeis nas comedias Caddyshack (1980), Fletch (1985), e ¡Three Amigos! (1986). Presentou os Oscars dúas veces, en 1987 e 1988, e durante algún tempo tivo o seu propio talk show nocturno, The Chevy Chase Show. Dende 2009 interpretou a Pierce Hawthorne na serie da NBC Community.