Chandrashekhara Kambara

Chandrashekhara Kambara, nado en Ghodageri o 2 de xaneiro de 1937, é un escritor en lingua kanaresa, director de cinema e folclorista indio. Pola súa obra recibiu numerosos recoñecementos na India, como o Padma Bhushan, o terceiro galardón civil máis alto na India e o Jnanpith en 2011 o principal premio literario indio.

Chandrashekhara Kambara

Biografía
Nacemento	2 de xaneiro de 1937 (87 anos) Gokak (pt)
Datos persoais
País de nacionalidade	Dominio da India (1947–) Raj Británico India
Educación	Karnatak University (en) Dharwad (pt)
Actividade
Ocupación	director de cinema , tradutor , poeta , escritor
Empregador	Universidade de Chicago
Lingua	Lingua kanaresa
Obra
Obras destacables Sirisampige (en)
Premios (2021)  Padma Bhushan (pt) (2017)  Gangadhar National Award (en) (2010)  Jnanpith Award (en) (1991)  Sahitya Akademi Award in Kannada (en) , premiado polo traballo Sirisampige (en)  Padma Shri in literature and education (en)

Kambara co elenco da obra de teatro Jokumaraswami en Calcuta (1987)

Traxectoria

Naceu na aldea de Ghodageri, no distrito de Belagavi no norte do actual estado de Karnataka, era o terceiro fillo da parella formada por Basavannayappa R. Kambar e Chennamma; moi influído pola moral da súa nai, houbo deixar os estudos pola pobreza da familia pero Jagadguru Siddaram Swamiji do matha de Savalagi financiou os seus estudos ata a secundaria e así puido recibir o ensino primario en Gokak e o secundario na capital do distrito, Belagavi, e logo completou os estudos universitarios na Universidade de Karnataka para grazas ao programa Fulbright puido ir aos Estados Unidos e ensinar na Universidade de Chicago durante o curso 1968-1969 e á volta á India foi profesor na Universidade de Bangalore dende 1970 ata que se converteu no primeiro vicereitor da Universidade Kannada (1991-1996). Foi presidente da Academia Karnataka de Artes escénicas (1980-1983) e director da Escola Nacional de Teatro da India (1996-2000) e presidente da Sahitya Akademi da India dende 2018

Obra

A obra de Kambara abrangue 25 obras de teatro, 11 coleccións de poemas, 5 novelas e 16 obras de investigación sobre folclore, teatro, literatura e educación. Entre os seus dramas máis populares están Jokumaraswamy, Jayasidnayaka, Kadu Kudure, Nayi Kathe, Mahamayi, Harakeya Kuri. En 1991 recibiu o premio Sahitya Akademi por outra popular obra de teatro Sirisampige. Unha das características da súa obra é a utilización de elementos dos dialectos kanareses do norte, algo pouco común na literatura kanaresa pero que xa utilizara D. R. Bendre na súa poesía.

No seu teatro foi pioneiro na introdución de estilos tradicionais do seu distrito, como en Sangya Balya, onde bota man da bayalāṭa (teatro ao aire libre) propio de Bailhongal ou en Jokumaraswamy que se asenta nos ritos e tradicións que se desenvolven en todo o norte de Karnataka cara a Jokumara, unha deidade popular e que consegue que trascendan como recurso literario a toda Karnataka e ao resto da India con múltiples traducións ás diversas linguas dese espazo. Ademais moitas das súas obras tamén se traduciron ao inglés. Como director dirixiu filmes baseados nas súas obras como Kaadu Kudure, Karimaayi ou Sangeetha e tamén realizou documentais para o goberno de Karnataka e mais para o da India. Alén da súa obra literaria, é autor de traballos académicos sobre o folclore indio e salienta como compilador dun dicionario de folclore.

Temas

No seu extenso poema narrativo Helatena Kela ("Escoita, heicho contar") que publicou en 1964, Kambara presentou algúns dos seus temas recorrentes ao longo da súa obra; a tradición e a modernidade, a indentidade, o colonialismo, a marcha da historia, o sexo, a perda da fe, a morte de Deus.

Shivapura é unha vila imaxinaria utópica presente en moitas das súas obras que constitúe unha metáfora e un lugar común en moitos dos seus poemas e contos Na súa caracterización, Shiva e Parvati visítaa e bendí os seus habitantes. Mesmo Rama ao estar a ir a Sri Lanka na procura de Sita visita a vila de camiño.

Obras

Poesía

• Mugulu (1958)
• Helatena Kela (1964)
• Takararinavaru (1971) [Premio Karnataka Sahitya Akademi de poesía]
• Saavirada Neralu (1979) [Premio Ashan de 1982, Kerala]
• Aayda Kavanagalu (1980)
• Belli Meenu (1989)
• Akkakku Haadugale (1993)
• Eevaregina Helatena Kela (1993)
• Chakori (1996)
• Ayda Kavitegalu ( 2007)
• Ellide Shivapura (2009)
• Samagra Kavya (2018)

Teatro

• Bembattida Kannu – 1961
• Narcissus – 1969
• Rishyashringa – 1970
• Jokumaraswamy – 1972
• Chalesha — 1973
• Sangya Balya Anabeko Naadolaga – 1975
• Kittiya Kathe – 1974
• Jasisidanayaka – 1975 (Premio "Vardhamana Prashasti" ao mellor libro do ano en kanarés)
• Alibaba – 1980
• Kaadu Kudure – 1979
• Naayi Kathe – 1980
• Kharokhara – 1977
• Mathanthara – 1978
• Harakeya Kuri – 1983
• Kambara Avara Natakagalu – 1984
• Sambashiva Prahasana – 1987
• Siri Sampige (Premio Sahitya Akademi de 1991)
• Huliya Neralu – 1980
• Boleshankara – 1991
• Pushpa Rani – 1990
• Tirukana Kanasu – 1989
• Mahamayi – 1999
• Nela Sampige – 2004 )
• Jakkana – 2008
• Shivaratri – 2011

Novelas

• Anna Tangi – 1956
• Karimaayi – 1975
• G.K. Maastarara Pranaya Prasanga – 1986
• Singarevva Mattu Aramane – 1982
• Shikhara Soorya – 2007
• Shivana Dangura - 2015

Non ficción

• Uttara Karnataka Janapada Rangabhumi – 1980
• Sangya Balya – 1966
• Bannisi Hadavva Nana Balaga – 1968
• Bayalaatagalu – 1973
• Matado Lingave – 1973
• Namma Janapada – 1980
• Bandire Nanna Jayolage – 1981
• Kannada Folklore Dictionary (2 volumes) – 1985
• Bedara Huduga Mattu Gilli – 1989
• Lakshapathi Rajana Kathe – 1986
• Kasigondu Seru – 1989
• Nelada Mareya Nidhana – 1993
• Brihaddesiya Chintana – 2001
• An Anthology of Modern India Plays for the National School of Drama – 2000
• Desheeya Chintana – 2004
• Tudi Irada Daari - 2009
• Marave Marmarave – 2007
• Idu Desi – 2010