Castelo de Sant'Angelo

O Mausoleo de Hadriano, máis coñecido como Castelo de Sant'Angelo (en italiano: Castel Sant'Angelo) é un edificio en forma de torre cilíndrica que se ergue no Parco Adriano, na cidade de Roma, a pouca distancia da Cidade do Vaticano. Nun principio foi encargado polo emperador romano Hadriano como un mausoleo para el e a súa familia. O edificio foi posteriormente empregado polos papas como fortaleza e castelo, e no presente é un museo. O castelo foi outrora o máis alto edificio de Roma.

Castelo de Sant'Angelo
Tipo	museo, castelo cuadrangular, mausoleo romano e mausoleo
Epónimo	Arcanxo Miguel
Localización
41°54′11″N 12°27′59″L
País	Italia
Rexión	Lazio
Cidades metropolitanas	Cidade metropolitana de Roma Capital
Concello	Roma Capitale
Localización	Parco Adriano e Municipio Roma I
Rúa	Lungotevere Castello (en)
Código postal	02010 e 00193
Enderezo	Lungotevere Castello, 50 e Лунготевере Кастело, 50
Datas
Fundación	139
Inauguración	1906
Acontecementos
123	comezo da construción
Persoas e organizacións
Propietario/a	Hadriano
Arquitecto/a	Decriannus
Creador/a	Bernardo Rossellino e Bernardo Rossellino
Director/a	Giovanni Battista Borghese (en)
Visitantes anuais	918.591
Patrimonio cultural
Ben cultural de Italia
Contacto
Páxina WEB	castelsantangelo.beniculturali.it
[ Wikidata ]

Castelo de Sant'Angelo dende a ponte. No máis alto do castelo hai unha estatua do arcanxo Miguel, que é quen lle dá o nome ó edificio.

Comezado polo emperador Hadriano no ano 135 para ser o seu mausoleo persoal e familiar, foi rematado por Antonino Pío en 139. O monumento, erguido con pedra de travertino, estaba engalanado no seu punto máis alto por unha cuadriga en bronce guiada polo emperador Hadriano. O edificio cambiou de uso moi axiña e converteuse nun edificio militar. Integrouse á Muralla Aureliana en 403.

Mole Adrianorum: aproximación mediante simulación dixital da súa posible aparencia orixinal.

O actual nome do castelo data do ano 590, durante unha gran epidemia de peste que golpeou a cidade de Roma. O papa da época, Gregorio I, viu ó Arcanxo Miguel sobre o cumio do castelo que envainaba a súa espada significando a fin da epidemia. Para conmemorar a aparición, a estatua dun anxo coroa o edificio (primeiro unha estatua en mármore de Raffaello da Montelupo, e dende 1753 unha de bronce de Pierre van Verschaffelt sobre un debuxo de Bernini).

San Miguel Arcanxo segundo a lenda da súa aparición.

Dende 1277, o castelo está conectado coa Cidade do Vaticano por un corredor fortificado, chamado Passetto, duns 800 metros de lonxitude. A fortaleza foi o refuxio do Papa Clemente VII durante o asedio e saqueo de Roma no ano 1527, que levaron a cabo as tropas do rei Carlos I de España, emperador Sacro Imperio Romano Xermánico.

Véxase tamén

Ligazóns externas

• Páxina oficial Arquivado 06 de maio de 2016 en Wayback Machine. (en italiano)