Carlos Dafonte Sánchez
Carlos Dafonte Sánchez, nado na Coruña en 1906 e finado en Lugo en novembro de 1990, foi un avogado e político galego.
  | |
| Biografía | |
|---|---|
| Nacemento | 1906 A Coruña, España |
| Morte | novembro de 1990 (83/84 anos) Lugo, España |
| Datos persoais | |
| País de nacionalidade | España |
| Educación | Universidade Complutense de Madrid |
| Actividade | |
| Ocupación | avogado , político |
| Lingua | Lingua castelá |
Traxectoria editar
Estudou Dereito na Universidade Central de Madrid, onde militou na Federación Universitaria de Estudiantes. Foi militante do Partido Republicano Presidencialista de España e colaborou en El Presidencialista, o órgano das Juventudes do Partido. Cara 1928 regresou a Coruña onde foi xuíz municipal. Integrouse na ORGA. Amigo de Santiago Casares Quiroga, na República foi nomeado gobernador civil de Cáceres o 9 de setembro de 1932, cargo do que foi cesado o 6 de novembro dese ano polas súas discrepancias con políticos socialistas locais e a súa forma de enfrontar algunha das folgas xerais dese período. Foi chamado para ser gobernador civil de Palencia, pero rexeitou o nomeamento. Afiliouse a Izquierda Republicana e participou nalgúns actos do partido.[1] Co golpe de Estado do 18 de xullo de 1936 foi detido por un curto período. Foille incoado expediente de responsabilidades políticas en 1940.[2] Ao rematar a Guerra Civil instalouse en Lugo, onde se dedicou á avogacía.
Vida persoal editar
Foi pai de Carlos Dafonte Díez.
Notas editar
- ↑ El Pueblo Gallego, 8-12-1935, p. 11.
- ↑ Boletín Oficial de la Provincia de La Coruña, 17-1-1940, p. 2.
Véxase tamén editar
Bibliografía editar
- Serrallonga i Urquidi, Joan (2007). "El aparato provincial durante la Segunda República. Los gobernadores civiles, 1931-1939" (PDF). Hispania Nova (7). Consultado o 23 de maio de 2017.