Carall Bernat
O Carall Bernat é o illote máis oriental do arquipélago das illas Medes, na costa de Cataluña. Pertence ao concello de Torroella de Montgrí, na provincia de Xirona. O seu nome provén dunha deformación de Carall Trempat, de orixe claramente fálica.
É un monólito con forma de parábola convexa, cunha cota máxima de 70,1 metros sobre o nivel do mar. A súa superficie emerxida supera os 3.000 m². En profundidade descende ata os 50 metros ata o fondo areoso da baía de Pals. Dadas as súas características subacuáticas, o lugar é frecuentado polos afeccionados ao mergullo.[1]
Notas editar
- ↑ Departamento de Medi Ambiente e Habitaxe, Generalitat de Cataluña, ed. (01.09.2010). "Carall Bernat". Consultado o 29 de decembro de 2010.
Coordenadas: 42°2′29.89″N 3°13′41.94″L / 42.0416361, -3.2283167