Abrir o menú principal

Campo Municipal de Monte Porreiro

Coordenadas: 42°26′47″N 08°37′25″O / 42.44639, -8.62361

Monte Porreiro
Vigo-Atlético Rugby Monteporreiro.jpg
Datos
LocalizaciónMonte Porreiro, Mourente, Pontevedra
Construción
Inauguración27 de marzo de 2011
Custo753.000 euros
Estadio
SuperficieHerba sintética
Dimensións111x72
PropietarioConcello da Pontevedra
LocalíaMareantes RCP
Pontevedra RC
SC Monteporreiro
Eventos
Copa Galiza de Rugby 2011
Circuito Galego de Sevens 2011

O Campo Municipal de Monte Porreiro é un novo recinto deportivo da cidade de Pontevedra, sito no lugar de Monte Porreiro, homologado para a práctica do fútbol e o rugby. As súas dimensións son de 111 por 72 metros, e a superficie é de herba sintética.

ConstruciónEditar

A construción do recinto obedeceu a unha demanda de varios anos dos veciños de Monte Porreiro que pedían que o vello campo de terra fose arranxado e cuberto de herba artificial. O concello e a deputación de Pontevedra chegaron a un acordo en 2009, e asinaron un convenio polo cal o goberno local achegaría 477.000 euros e o goberno provincial 276.000. A obra foi levada a cabo pola empresa E.C. Casas, e o novo campo foi inaugurado o 27 de marzo de 2011 polo alcalde Miguel Anxo Fernández Lores e o presidente da deputación Rafael Louzán. As instalacións do recinto contan con bancadas desmontables, banquiños, taboleiro electrónico, accesos independentes para deportistas e seareiros, e a posibilidade de partir o campo en 2 campos transversais de fútbol 7 para nenos pequenos. Os promotores da construción teñen falado da posibilidade de instalar un tellado sobre as bancadas, novos vestiarios e unha cafetería.

LocalíasEditar

Os equipos de rugby Mareantes Rugby Clube Pontevedra, Pontevedra Rugby Club e o equipo de fútbol SD Monteporreiro xogan os seus encontros como locais neste novo recinto deportivo.

EventosEditar

Dende a súa inauguración, o 21 de maio o club de rugby Mareantes organizou no Campo Municipal de Monte Porreiro o segundo evento do Circuito Galego de Sevens 2011. O 5 de xuño disputouse alí por vez primeira en Pontevedra a final da edición 2011 da tradicional Copa Galiza de Rugby.