Caetano de Thiene

Caetano de Thiene , ou en italiano Gaetano di Thiene, nado en Vincenza en outubro de 1480 e finado en Nápoles o 7 de agosto de 1547, foi un relixioso italiano, venerado polos católicos como San Caetano.

Caetano de Thiene
Sant Gaietà, Urbà Fos, Museu de Belles Arts de Castelló.jpg
Nacemento1 de outubro de 1480
 Vicenza
Falecemento7 de agosto de 1547
 Nápoles
NacionalidadeRepública de Venecia
Relixióncatolicismo
Ocupaciónsacerdote católico, avogado, diplomático e cleric regular theatine
editar datos en Wikidata ]
htumb
Imaxe de San Caetano na igrexa de Quintela (Crecente).

TraxectoriaEditar

Doutorouse en dereito na universidade de Padua en 1504 antes de ingresar no clero. Foi chamado a Roma por Xulio II, que o fixo secretario, en 1506. O seu contacto coa curia desencantouno e levouno a ser un dos primeiros reformadores católicos:

Roma un tempo santa, ora è una Babilonia.

.

Deixou Roma tan pronto como puido e adicouse á caridade e a reforma. Non foi ordenado sacerdote até 1516, pois non se consideraba digno do cargo. Volveu a Roma en 1523 para fundar con Pietro Carafa (que se había converter despois no papa Paulo IV) a primeira congregación de cregos regulares, a dos Teatinos.

O seu nome parece que provén dun tío seu que era nativo de Gaeta, pois xa en época romana se chamaba Caietani aos desta vila. Foi canonizado por Clemente X no 1671. A súa festa celébrase o 7 de agosto.