Cadafalso (arquitectura)
Un cadafalso[1] é unha fortificación ou baluarte de madeira das torres e murallas medievais. Penduraba apoiándose en canzorros ou trabes de madeira ou pedras que sobresaían, incrustadas no muro. Normalmente estaban cubertos e non adoitaban ser permanentes, senón instalarse durante un asedio. En tempos de paz, crese que os cadafalsos almacenábanse como elementos prefabricados.
![](http://upload.wikimedia.org/wikipedia/commons/thumb/e/ee/Cadalso_del_Castillo_de_Arg%C3%BCeso.jpg/200px-Cadalso_del_Castillo_de_Arg%C3%BCeso.jpg)
Tiña unha finalidade militar, pois posuían pequenos vans ou seteiras tanto na parte frontal coma no chan. Isto, unido a que sobresaían respecto do lenzo da muralla ou torre, ampliaba o campo de tiro dos defensores ao longo da muralla e, especialmente, permitía un tiro vertical cara a abaixo sobre os atacantes das torres. No entanto, ao estaren feitos de madeira, ardían de xeito doado. Posteriormente, foron substituídos por matacáns, que eran permanentes e en pedra e que supuxeron unha mellora respecto dos cadafalsos.
En moitas construcións en pedra que sobreviviron da época medieval, delátase a existencia deste elemento pola presenza dos pequenos vans que regularmente puntean a fachada trazando a liña por baixo dun van máis grande que era a porta de acceso aos cadafalsos, como pode verse na españolas Torre de Pero Niño (Cantabria) ou na de Aldealseñor (Soria).[1]
Sobreviviron algúns cadafalsos medievais, incluíndo exemplos na torre setentrional do castelo de Stokesay, en Shropshire (Reino Unido) e en Laval (Francia). A cidadela interior de Carcasona, tamén en Francia, amosa cadafalsos reconstruídos en madeira.
Notas
editar- ↑ Termo en galego en Dicionario visual da construción, Santiago de Compostela, Colexio Oficial de Arquitectos de Galicia, 2004
- Dicionario do románico aragonés
- Terminoloxía de castelos C
- A arte románica: Fortificacións Militares... Torres (Atalaias), Murallas e Castelos