CH Txuri-Urdin

O Club Hockey Xeo Txuri Urdin (en galego) ou Txuri Urdin Izotz Hockey Taldea, Txuri Urdin IHT (en éuscaro), é un equipo de hóckey sobre xeo da cidade de Donostia, País Vasco. Actualmente compite na Superliga española, a máxima competición española e da que é o equipo máis laureado con 9 títulos. Disputa os seus partidos como local no Txuri Urdin Izotz Jauregia, con capacidade para 1.200 espectadores.

Historia editar

O club foi fundado en 1972. O CH Txuri Urdin foi un dos seis membros fundadores da Superliga Española de Hóckey Xeo, a máxima competición deste deporte no Estado español. Logo da rivalidade veciñal coa Real Sociedad os tres primeiros anos na liga e na copa, o Txuri Urdin sucedeu ao equipo branquiazul en 1976 coma o primeiro equipo en suceder á Real Sociedad. Ese mesmo ano, a sección de hóckey da Real Sociedad disolveuse, polo que o Txuri Urdin pasou a ser o único equipo de hóckey sobre xeo de Primeira División na cidade. O Txuri Urdin gañou en 9 ocasións o título de liga (equipo con máis triunfos) e en seis a copa, o último título de liga chegou o ano 2000, ano no que acadou o dobrete (liga e copa). Ademais, o club gañou a Copa de Euskadi nunha ocasión, en 1993.

A mellor época do equipo vasco foi a década dos '90, cando conquistou 5 títulos de liga, 3 de copa e a única Copa de Euskadi, ademais dos 2 subcampionatos de liga e copa.

Palmarés editar

9 Superligas españolas: 1976, 1980, 1985, 1990, 1992, 1993, 1995, 1999 e 2000.
5 subcampionatos de liga: 1978, 1979, 1991, 1994 e 2005.
6 Copas do Rei: 1979, 1980, 1990, 1991, 1994 e 2000.
7 veces finalista da Copa do Rei: 1977, 1978, 1986, 1988, 1989, 1993 e 1996.
1 Copa de Euskadi: 1993

Participacións na Copa de Europa editar

Tempada	Rolda	Adversario	Resultado(s)
1980-81	1ª Rolda	Mammouth de Tours	2-2 ; 2-10
1985-86	1ª Rolda	exento
	2ª Rolda	Hockey Club Bolzano	1-5 ; 0-18
1990-91	1ª Rolda	Dragons de Rouen Rotterdam	2-16 1-21
1992-93	1ª Rolda	Wasps de Durham Vålerenga IF Steaua Bucarest	2-9 1-11 1-10
1993-94	1ª Rolda	Esbjerg fB Ishockey Vålerenga IF Nijmegen Emperors	3-18 0-15 2-8
1995-96	Preliminar	Tornado de Luxembourg	5-4 ; 2-2
	1ª Rolda	HDD ZM Olimpija Tilburg Trappers Steelers de Sheffield	2-17 1-14 2-9
1999-00	1ª Rolda	Irbiz Kiev Ducs d'Angers HC Louvain	1-16 1-12 4-3
2000-01	1ª Rolda	Blue Fox de Herning IK Les Léopards de Caen Nijmegen Emperors	0-17 3-20 1-11