Burlada

Burlada ou Burlata é un municipio de Navarra, situado no meiriñado de Sangüesa e na Cuenca de Pamplona.

Burlada

Burlada (es) Burlata (eu)
Localización
42°49′35″N 1°36′56″O
Estado	España
Comunidade foral	Navarra
Capital	Burlada-Burlata (en)
Poboación
Poboación	20.865 (2023) (9.841,98 hab./km²)
Lingua oficial	lingua éuscara (zona lingüística) lingua castelá (zona lingüística)
Xeografía
Parte de	Mancomunidade da Comarca de Pamplona (pt) Zona mixta de Navarra
Superficie	2,12 km²
Altitude	423 m
Comparte fronteira con	Pamplona Uharte Atarrabia Egüés
Organización política
• Alcalde	Juan Carlos Gonzalez Muñoz (en)
Identificador descritivo
Código postal	31600
Fuso horario	UTC+01:00
Código INE	31060
Páxina web	burlada.es

É o cuarto municipio máis poboado de Navarra con 18.162 habitantes (2012), debido especialmente á súa situación, xa que dista menos de 3 km de Pamplona.

Xeografía

Burlada atópase xeograficamente na Cuenca de Pamplona e xa que logo forma parte da área metropolitana da capital navarra. Limita ao norte con Pamplona e Villava, ao leste con Huarte, ao sur con Egüés e ao oeste con Pamplona.

Historia

Tense constancia de que os Reis de Navarra pasaban tempadas de asueto no palacio de que dispuñan en Burlada. Este palacio, xa derruído, estaba conectado de forma privada coa antiga igrexa románica, tamén derruída a mediados do século XX. Outro dato que denota a importancia histórica desta localidade é a ponte románico que cruza o río Arga ao seu paso polo pobo.

Monumentos

Monumentos civís

• Ponte de Burlada

Ponte medieval composto de seis arcos de medio punto. Parece ser modificado en diferentes épocas, posto que orixinalmente a súa forma debeu de ser máis apuntada, con pendentes máis fortes a ambos os dous lados. Consta de 6 arcos de 9 metros de lonxitude de van. É difícil determinar cando foi construído, xa que é unha das pontes que máis reconstrucións tivo.

• Palacetes de Burlada

Son varios edificios de principios do século XX. Atópanse na rúa Maior e o máis significativo é o palacio Uranga, que está rodeado dun parque.

Monumentos relixiosos

Igrexa de San Blas

• Igrexa de San Xoán

A primitiva igrexa atopábase situada na actual praza San Juan, terreo que ocupou a Casa Consistorial ata o ano 2008. O 24 de xuño de 1952, coincidindo coa festividade de San Xoán Bautista, comezouse a construción do novo Templo. A súa inauguración tivo lugar o domingo 17 de outubro de 1954. O novo templo foi un proxecto do arquitecto Javier Yárnoz. É un edificio de planta latina e construción moderna, do que o máis destacable é o seu mobiliario que procede de diferentes localidades de Navarra. O retablo maior que preside o templo é de estilo neoclásico e procede da Catedral de Pamplona, onde estaba dedicado a San Blas.

• Parroquia de San Blas

Foi creada o 29 de xuño de 1970, baixo a advocación de Santa María Soidade Torres Acosta, relixiosa madrileña fundadora das Servas de María, dedicadas á atención a domicilio de enfermos pobres, velándoos durante as noites. A nova parroquia xorde debido ao crecemento de poboación que experimenta Burlada naqueles anos e o nome que recibe inicialmente débese a que ese mesmo ano, o 25 de xaneiro, foi canonizada polo Papa Paulo VI a fundadora desta congregación relixiosa fincada en Burlada desde o ano 1942, data na que se abriu o edificio do seu Noviciado o día 2 de xullo.

Comunicacións

Está directamente comunicada con Pamplona, da cal dista 3 km, á que está unida a modo de continuo urbano. A N-135 que une Pamplona con Francia a través de Valcarlos atravesa Burlada polo seu extremo meridional. a NA-121-A (de Pamplona a Francia por Irún) atravesa Burlada pola súa banda central.

Festas

• Festas principais: Do 15 ao 19 de agosto.
• Entroidos: Martingala de Burlada (Burlatako Martingala, nome orixinal)
• Festas de San Xoán: Patrón da localidade. Do 23 ao 26 de xuño.

Deportes

• Fútbol: O equipo máis importante da localidade é a Unión Club Deportiva Burladés, xurdida da de fusión de dous clubs anteriores. Participa na categoría de rexional preferente do fútbol español. Disputa os seus encontros como local no Estadio O Soto. O seu actual presidente é Francisco Javier Bator.

Demografía

Burlada ocupa o cuarto posto como municipio de maior poboación de Navarra, por detrás de Pamplona, Tudela e Barañáin, cunha poboación de 18.162 habitantes en 2012, dos que 8.900 son varóns e 9.295 son mulleres. A súa densidade de poboación é de 8.566,98 hab/km².

Evolución demográfica
1996	1998	1999	2000	2001	2002	2003	2004	2005	2006	2007	2012
15 366	15 860	16 647	16 887	17 288	17 647	17 964	18 040	18 316	18 388	18 337	18 162

Véxase tamén