Burgred de Mercia

Burgred ou Burhred ou Burghred, finado en 880, foi rei de Mercia entre os anos 852 e 874.

Burgred de Mercia
Nacemento	século IX
Falecemento	888
Lugar de falecemento	Roma
Soterrado	Santo Spirito in Sassia
Ocupación	guerreiro
Pai	Beorhtwulf de Mercia
Nai	Sædryð (?)
Cónxuxe	Etelsvita
Fillos	Beorhtweald Ealdorman of Kent e Beorhtnoð æthling of Kent
Na rede
[ editar datos en Wikidata ]

Traxectoria

Burgred ascendeu ao trono en 852. Ese mesmo ano ou ao seguinte, Aethelwulf de Wessex solicita a súa axuda para someter o norte de Gales. A campaña foi un éxito e a alianza entre os dous reis quedou selada co matrimonio de Burgred con Aethelswith, filla de Aethelwulf. En 858, o rei merciano apelou a Aethelred de Wessex e o seu irmán, Alfredo o Grande, para recibir axuda militar contra os viquingos daneses, quen conquistaran Nottingham. Os exércitos de Wessex e de Mercia non tiveron que empregarse a fondo e aos daneses permitíuselles pasar alí o inverno. En 874, os daneses trasládanse desde Lindsey cara a Repton e expulsan a Burgred do seu reino. Colocaron no seu lugar a un nobre merciano chamado Ceolwulf, esixíndolle xuramentos de lealdade cara a eles. Burgred retirouse a Roma e faleceu alí no ano 880. De acordo coa Crónica Anglosaxoa, foi enterrado "na igrexa de Santa María, no colexio da nación Inglesa" en Roma.

Burgred é mencionado na Crónica Anglosaxoa durante os anos 852, 853, 868 e 874.

Acháronse moedas pertencentes ao reinado de Burgred -todas posuían a inscrición "Burgred"-, en varios lugares. En decembro do ano 2003, atopáronse moedas de prata do reinado de Burgred en Yorkshire, nun lugar que podería tratarse do primeiro enterramento viquingo en chan inglés no que se usou un barco no ritual.

Véxase tamén

Bibliografía

• The Anglo-Saxon Chronicle: MS A v. 3, Janet Bately (ed.), Brewer, Rochester (NY) 1986, ISBN 0-85991-103-9.

Ligazóns externas

• Alixo de moedas saxoas en Severn Stoke