Bungarotoxina
As bungarotoxinas son un grupo de proteínas neurotóxicas estreitamente relacionadas a maioría pertencentes á superfamilia das toxinas de tres dedos, que se encontran no veleno das serpes do xénero Bungarus, como por exemplo Bungarus fasciatus e Bungarus multicinctus.[1] A α-bungarotoxina inhibe a unión da acetilcolina aos receptores de acetilcolina nicotínicos; as β- e γ-bungarotoxinas actúan presinapticamente causando unha liberación excesiva de acetilcolina e a súa conseguinte depleción. Foron caracterizadas as formas α e β, e a α é similar ás neurotoxinas longas ou tipo II doutros velenos de serpes elápidas.
Hai catro tipos de bungarotoxinas:
- α-Bungarotoxina
- β-Bungarotoxina (que non é unha toxina de tres dedos)
- γ-Bungarotoxina (Q9YGJ0)
- k-Bungarotoxina
Historia editar
O veleno das serpes Bungarus empezaron a estudalo Chuan-Chiung Chang e Chen-Yuan Lee da Universidade Nacional de Taiwán na década de 1950;[2] pero ata 1963 non se separaron e illaron os seus compoñentes.[3]
Notas editar
- ↑ Bungarotoxins Medical Subject Headings (MeSH) na Biblioteca Nacional de Medicina dos EUA.
- ↑ Chang C (1999). "Looking back on the discovery of alpha-bungarotoxin". J. Biomed. Sci. 6 (6): 368–75. PMID 10545772. doi:10.1159/000025412.
- ↑ Chu N (2005). "Contribution of a snake venom toxin to myasthenia gravis: the discovery of alpha-bungarotoxin in Taiwan" (PDF). Journal of the History of the Neurosciences 14 (2): 138–48. PMID 16019658. doi:10.1080/096470490881770.
|
Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |