Brest, Bretaña

Brest, Bretaña
	Vista da cidade dende o castelo
Localización
	; Brest ; Brest
País	Francia
Rexión	Bretaña
Departamento	Finistère
Xeografía
Altitude	0–103 msnm
Superficie	49,51 km²
Demografía
Poboación	142.097 hab. (2008)
Densidade	2.900 hab/km²
Outros datos
Código postal	29200
Alcalde	François Cuillandre (2014-2020)
	Páxina oficial de Brest

Coordenadas: 48°23′27″N 4°29′8″O / 48.39083, -4.48556

Para outras páxinas con títulos homónimos véxase: Brest.

Brest é unha cidade e un porto atlántico de Francia situada no departamento francés de Finistère, na rexión da Bretaña. No ano 2008 tiña 142.097 habitantes^[1]. É a segunda cidade da rexión administrativa da Bretaña despois de Rennes.

XeografíaEditar

Brest ocupa unha situación estratéxica preto da ruta marítima máis frecuentada do mundo. A rada de Brest, cunha superficie de 150 km² e separada do océano por un estreito paso de 6 km de longo e 1,8 km de ancho, protexe a cidade e o seu porto das numerosas tormentas que castigan a miúdo a costa bretoa.

HistoriaEditar

A primeira cidadela de Brest foi un campamento romano construído entre os anos 250 e 350: o 'Castellum'. A ocupación romana termina a comezos do século V.

No século XVII Richelieu crea a Mariña de Poñente e o porto de Penfeld; nace o Arsenal e é o comezo do desenvolvemento portuario e militar de Brest, o cal levou á fortificación da cidade, segundo a planificación de Vauban a partir de 1683.

Durante a primeira guerra mundial foi o porto de desembarco das tropas norteamericanas. Na segunda guerra mundial a cidade foi destruída polos bombardeiros e a reconstrución, comezada ao finalizar a guerra, non rematou até 1961.