Abrir o menú principal

Born This Way ( en galego, Nacín así ) é o terceiro álbum de estudio da cantante estadounidense de pop Lady Gaga. Foi lanzado o 23 de maio de 2011. A súa composición tivo lugar durante a xira The Monster Ball Tour (2009-2011) . Precedendo ó seu lanzamento, foi publicado o seu primeiro single, homónimo, o 11 de febreiro de 2011. Con 288.000 copias vendidas o seu primeiro e día e 1 921 000 na súa primeira semana, en total ten vendido a día de hoxe máis de 7 000 000 exemplares. Debutou no número un en 15 países.

Born This Way
Álbum de Lady Gaga
Gravación2010
Xénero(s)pop, electropop, dance
Selo(s)Interscope, Streamline, Kon Live
Producido porLady Gaga, DJ White Shadow, Fernando Garibay, RedOne
Cronoloxía
The Fame Monster Born This Way -

EscrituraEditar

Gaga foi falando cos seus fans durante os seus concertos sobre a nova música que estaba a facer. A marzo de 2010, afirmaba que xa tiña o que sería primeiro single gravado. En xuño dese ano incorporaba ó setlist da xira a balada "Yoü and I", que sería cuarto single do novo álbum que vería a luz ós 11 meses. A partir de entón, as referencias ó seu novo álbum eran continuas no seus concertos e na súa conta de Twitter. A isto hai que sumarlle as declaracións de colaboradores como Akon ou Fernando Garibay.

Estamos ante un álbum de letras profundas e comprometidas. Gaga trata temas como a igualdade (tanto da muller como dos homosexuais), a inmigración, a relixión e a defensa de identidade única a persoal de cada un mesmo como o máis importante. A inspiración detrás das letras son as propias experiencias que lle contaban o seus fans ("Born This Way", "Bad Kids", "Americano", "Electric Chapel") e sobre a súa biografía. Deste xeito, foi capaz de falar sobre o seu antigo xeito de vida ("Marry The Night", "Black Jesus † Amen Fashion", "Yoü and I"), sobre os problemas que a inquietan (sobre o amor e a igualdade na sociedade independentemente da cor e a sexualidade en "Born This Way", a inmigración, a relixión e o matrimonio gay en "Americano"), sobre o que está disposta a facer polos seus ideais ("The Queen"). Ó abrir o libreto pódese ler unha dedicatoria que define o álbum: Este álbum é para vós. Nas palabras da autora, este é un disco sobre amar quen es e ser fiel a ti mesmo .

Marry The Night, escrita e producida por Gaga e Garibay, é unha homenaxe a Nova York. O tema que dá nome ó álbum , Born This Way, é un himno á liberdade, á igualdade e ó amor, sendo escrita e producida por Gaga coa axuda de Jeppe Laursen na letra e Garibay na produción. O seguinte tema , Government Hooker, conta a fantasía sexual entre Marilyn Monroe e o presidente Kennedy e foi escrita e producida por Gaga e DJ White Shadow, incorporando elementos de ópera. A continuación vén unha historia de traizóns e amor escrita e producida por Gaga e RedOne, con moito parecido a Bad Romance. Judas ,nas palabras de Gaga, vai sobre namorarse do home equivocado una e outra vez. Na quinta canción, Americano, temos un número italo-caucásico e flamenco mariachi ó mesmo tempo. Gaga atrévese co español neste tema escrito e producido por ela e Garibay, que reflexiona sobre a inmigración e o matrimonio gay e a perspectiva que ten a relixión sobre isto. Hair é o sexto beat. Escrita e producida por Gaga e RedOne, nesta seudobalada disco de potentísimo estribillo a extravagante artista afirma ser tan libre como o seu pelo nunha escena de rebeldía xuvenil. O saxo é de Clarence Clemons, da E-Street Band; ela non se ía conformar con menos. O sétimo posto é para Scheiße (merda en alemán), onde o plurilingüismo é máis vehicular que anecdótico nesta mestura de techno industrial e estribillo eurotrash, obra de Gaga e RedOne. A continuación temos Bloody Mary, de Gaga, Garibay e DJ White Shadow. Destaca o pizzicato inicial, a bonita melodía e o coro robótico. A novena canción é Black Jesus + Amen Fashion. Escrita por Gaga e DJ White Shadow, está baseada en episodios da vida da cantante. Despois atópamonos con Bad Kids, inspirada nas historias dos seus fanas que Gaga puido coñecer na súa xira.É unha homenaxe ás súas historias. De seguido vén Fashion of his Love, unha exaltación do amor cunhas letras apaixonadas e entusiastas. A doceava canción é Highway Unicorn ( Road to Love ) , obra conxunta de todos os produtores deste disco (Gaga, Garibay, RedOne e DJ White Shadow). Calificada pola crítica como épica setenteira, comeza como un remix e acaba coma un collage de sensacións que loitan por elevarse máis que as anteriores. Máis arriba non se pode. Nas palabras de autora, a canción é sobre min, conducindo pola estrada con nada salvo un soño. Seguimos con Heavy Metal Lover, considerada pola crítica como a única canción deste álbum que podería estar no de calquera outra popstar contemporáneas. Este bombazo electro-pop describe a súa relación co seu ex-mozo Lüc Carl. A escritura e produción corren a cargo de Gaga e Garibay. O número catorce, de Gaga e DJ White Shadow, é ocupado por Electric Chapel, con guitarras setenteiras aplicadas a unha base trance. Despois está The Queen, sobre a valentía, sobre non ter medo a ser un grande. De seguido chega Yoü and I, nomeada ó Grammy a mellor canción do ano. Lüc Carl volve a ser a inspiración nesta balada escrita só por Gaga e con guitarra de Brian May, de Queen. O piano honky-tonk e as percusións ó We Will Rock You acompáñannos nesta peza feita para ser interpretada nos grandes estadios. O colofón chega con The Edge Of Glory, a mellor canción deste traballo para a crítica en xeral. Escrita e producida por Gaga e Garibay, a súa composición veu motivada pola morte do avó de Gaga. O minuto de saxofón de Clarence Clemons sobre sintetizadores ó Moroder merece o título de achazgo de produción dun álbum que triunfa indo ó límite. Un paso cada vez máis preto do precipicio.

Composición musicalEditar

Born This Way non ten que ver cos traballos anteriores de Gaga. Neste disco aprécianse os máis variopintos estilos ( dance, ópera, heavy metal, eurotrash, rock 'n roll, disco). Destaca o canto gregoriano en Bloody Mary, a guitarra eléctrica de Bad Kids, a música mariachi en Americano e, sobre todo, o saxo posto por unha lenda como foi Clarence Clemons (Bruce Springsteen and the E-Street Band) en Hair e The Edge of Glory e o solo do guitarrista de Queen Brian May en Yoü and I. Por isto podemos dicir que Gaga rodeouse de verdadeiras lendas para este disco. As principais inspiracións para este álbum foron Whitney Houston (Marry The Night, Fashion of his Love) e Bruce Springsteen (Hair, Highway Unicorn, The Edge of Glory).

SinglesEditar

1. Born This Way [#1 en España]

Lanzamento dixital e radial : 11 de febreiro de 2011

Lanzamento físico : 15 de marzo de 2011

2. Judas [#6 en España]

Lanzamento dixital e radial : 15 de abril de 2011

Lanzamento físico : 13 de maio de 2011

3. The Edge Of Glory [#5 en España]

Lanzamento dixital e radial : 9 de maio de 2011

Lanzamento físico : 8 de xullo de 2011

4. Yoü and I

Lanzamento dixital e radial : 23 de agosto de 2011

Lanzamento físico : 30 de setembro de 2011

5. Marry The Night

Lanzamento dixital : 15 de novembro de 2011

Lanzamento físico : 2 de decembro de 2011

  • · Hair, como sinxelo promocional do álbum ( 16 de maio de 2011 ) [#9 en España]

CanciónsEditar

  1. Marry The Night - ( Lady Gaga, Fernando Garibay )
  2. Born This Way - ( Lady Gaga, Jeppe Laursen, Fernando Garibay )
  3. Government Hooker - ( Lady Gaga, DJ White Shadow )
  4. Judas - ( Lady Gaga, RedOne )
  5. Americano - ( Lady Gaga, Fernando Garibay )
  6. Hair - ( Lady Gaga, RedOne )
  7. Scheiße - ( Lady Gaga, RedOne )
  8. Bloody Mary ( Lady Gaga, Fernando Garibay, DJ White Shadow )
  9. Black Jesus † Amen Fashion - ( Lady Gaga, DJ White Shadow )
  10. Fashion Of His Love - ( Lady Gaga, Fernando Garibay )
  11. Bad Kids - ( Lady Gaga, Fernando Garibay, DJ White Shadow, Jeppe Laursen )
  12. Highway Unicorn (Road to Love) - ( Lady Gaga, RedOne, Fernando Garibay, DJ White Shadow )
  13. Heavy Metal Lover - ( Lady Gaga, Fernando Garibay )
  14. Electric Chapel - ( Lady Gaga, DJ White Shadow )
  15. The Queen - ( Lady Gaga, Fernando Garibay )
  16. Yoü And I - ( Lady Gaga )
  17. The Edge Of Glory - ( Lady Gaga, Fernando Garibay )