Bodhrán

O bodhrán (AFI [ˈbɔːrɑːn] ou [ˈbaʊrɑːn]; plural bodhráin) é un tambor de marco (frame drum) irlandés. O diámetro do marco vai dende os 25 ós 66 centímetros, mentres que a profundidade é de entre 9 e 20 centímetros. O tamaño máis habitual emprega un marco de entre 35 e 45 centímetros de diámetro cunha profundidade duns 10 centímetros. A un lado do marco encóntrase unha membrana (ou parche) tensada e cravada ó marco mediante tachuelas. Tradicionalmente a membrana adoita ser de pel de cabra, aínda que actualmente é habitual encontrar bodhráin fabricados con peles doutros animais coma o canguro ou incluso materiais sintéticos coma o kevlar. O outro lado do marco queda aberto. Habitualmente, unha ou dous barras cruzadas no interior do marco fortalecen a súa estrutura.

Exemplo dun bodhrán.

Algúns bodhráin modernos para uso profesional empregan tensores mecánicos que permiten variar a tensión do parche, semellantes ós empregados nos tambores das baterías.

Galería de imaxes

• 
  Bodhrán en Allariz