Berta Quintremán
Berta Quintremán Calpán, nada en Alto Biobío, Rexión de Biobío, o 20 de xullo de 1937, é unha activista mapuche de orixe pehuenche.
| Biografía | |
|---|---|
| Nacemento | 20 de xullo de 1937  (86 anos)Alto Biobío, Chile |
| Datos persoais | |
| País de nacionalidade | Chile |
| Actividade | |
| Ocupación | activista polos dereitos dos pobos indíxenas |
| Lingua | Lingua castelá |
| Familia | |
| Irmáns | Nicolasa Quintremán |
Quintremán comezou a gañar apoio e notoriedade nacional na década do noventa xunto á súa irmá, Nicolasa Quintremán, na causa por evitar a construción da central hidroeléctrica Ralco na comuna de Alto Biobío. Os seus esforzos valéronlle algúns recoñecementos e ser figura principal de dous documentais.
Traxectoria editar
Berta naceu o 20 de xullo de 1937 no Alto Biobío, na Rexión de Biobío, Chile. O seu pai foi Segundo Quintremán, quen viviu a maior parte da súa vida na localidade de Ralco Lepoy.
Nos anos noventa, xunto á organización Mapu Zomoche Newen (en galego, Mulleres coa forza da terra), realizaron diversas xestións para impedir a construción da central hidroeléctrica Ralco, asistindo a reunións con autoridades rexionais e nacionais apelando ó recoñecemento da súa cultura. Deste xeito, en 1997 as irmás Quintremán entregaron unha carta ó entón presidente Eduardo Frei Ruiz-Tagle co fin de ensinar a disconformidade da comunidade mapuche co proxecto de desenvolvemento eléctrico.
Vida persoal editar
Berta foi protagonista de dous documentais: Berta y Nicolasa, las hermanas Quintremán (2002), dirixido por Alejandra Toro, explora as vidas de ambas as mulleres, detallando aspectos das súas crenzas, costumes, familias e a súa participación co colectivo Mapu Zomoche Newen. El velo de Berta (2004) enfócase particularmente en si mesma e o rol que tomou fronte ás erradas negociacións e protestas contra a empresa multinacional Endesa.
O ano 2000 xunto á súa irmá Nicolasa, recibe en Alemaña o premio Petra Kelly polo compromiso que presentou na súa loita non violenta en contra da construción de mega represas.
Morte de Nicolasa Quintremán editar
O 24 de decembro de 2013, o corpo sen vida de Nicolasa Quintremán foi atopado flotando nas augas do lago artificial Ralco.[1] A muller saíra da súa casa durante a tarde do día anterior. Tras o seu funeral tres días máis tarde, Berta falou coa prensa. "Con sentimentos quedei, quedei sen brazo. Que me poñan outro brazo eles, que son capacitados, os empresarios", comentou aos medios lamentando a perda da súa irmá.[2]