Barbapapa

Barbapapa é unha serie de libros infantís, creada o 19 de maio de 1970 pola parella franco-norteamericana, Annette Tison e Talus Taylor. Os Barbapapa son personaxes con forma de pera de diversas cores que teñen a capacidade de mudar de forma á mantenta.

Botellas de almibre Barbapapa

Os libros publicounos en francés L'École des loisirs e despois Éditions du Dragon d'Or. Traducíronse a máis de trinta linguas, e adaptáronse en series animadas de televisión.

Orixe

Annette Tison e Talus Taylor argallaron os Barbapapa en París, segundo eles contaron, cando estaban no xardín de Luxemburgo, Talus sentiu como un neno pedía a seus pais algo que chamaba Baa baa baa baa. Descoñecendo o francés, pediulle a súa dona que llo explicase, e ela díxolle que era unha larpeirada coñecida como barbe à papa (nube de algodón).

Algo máis tarde, nun restaurante, a parella deseñou no mantel un personaxe inspirado na larpeirada: un personaxe rosa con formas arrondeadas.

Personaxes

Barbapapas

• Barbapapa
  • Pais
    • Barbapapa, o pai (de cor rosa)
    • Barbamama, a nai (de cor negra)
  • Barbabébés, fillas :
    • Barbalala, gústalle a música (de cor verde)
    • Barbabelle, a máis fermosa (de cor violeta)
    • Barbotine, a intelectual (de cor laranxa con lentes)
  • Barbabébés, fillos :
    • Barbidur, gústalle o deporte (de cor vermella)
    • Barbibul, o científico (de cor azul)
    • Barbidou, amigo natureza e dos animais (de cor amarela)
    • Barbouille, o pintor (de cor negra con pelo longo)
• Outros personaxes recorrentes:
  • os nenos, Claudine e François
  • a cadela, Lolita
  • o tucano de Barbidou, Toucan

Libros

A serie principal abrangue os seguintes libros: Barbapapa (1970) Le voyage de Barbapapa (1971) La maison de Barbapapa (1972) L'arche de Barbapapa (1974) L'école de Barbapapa (1976) Le théâtre de Barbapapa (1978) L'arbre de Barbapapa (1991) Les vacances de Barbapapa (1995) L'hiver de Barbapapa (2004) Barbapapa sur Mars (2005) A serie Imaginiers abrangue : Barbapapa et les nombres (1996) Barbapapa et les couleurs Barbapapa et les formes Barbapapa et les labyrinthes (1996) Cherchons Lulue avec Barbapapa (2004) Barbapapa et les premiers mots d'anglais (2004)

A serie La petite bibliothèque de Barbapapa: La ferme (1974) Barbapapa baby-sitter (1974) Les puces (1974) La cuisine (1974) Les œufs (1974) Le pique-nique (1974) La coiffure (1974) Les animaux (1974) Le bateau (1974) Le cheval (1974) La mer (1979) Le jardin (1979) La moisson (1979) Les horloges L'orchestre L'atelier La musique Le berger C'est Noël ! La lessive La robe

Véxase tamén

Ligazóns externas

• Sitio oficial dos Barbapapa (en francés)/(en inglés)/(en neerlandés)