Bandeira da Guinea
A bandeira da Guinea foi adoptada o 10 de novembro de 1958. Está composta por tres franxas verticais do mesmo tamaño de cor vermella (a máis preto do mastro), amarelo (a central) e verde.
| Bandeira da Guinea | |
|---|---|
 | |
| Características | |
| Uso | |
| Proporción | 2:3 |
| Adopción | 10 de novembro de 1958 |
| Cores | Verde Vermello Amarelo |
Son as cores panafricanas que figuran nas bandeiras de numerosos países do continente, como a de Etiopía e a de Gana.
O vermello foi adoptado en homenaxe dos que morreron na loita contra o colonialismo. É a cor vinculado cos traballadores da industria e do campo, razón pola que tamén se asocia co termo "Traballo" do lema nacional. O amarelo é o símbolo do ouro guineano e o sol africano. O amarelo é a cor que se relaciona co termo "Xustiza" do lema. O verde representa os bosques e a agricultura do país. É a cor que simboliza a última palabra do lema: "Solidariedade".