Banda de música de Brántega
A Banda de música de Brántega foi unha agrupación musical con sede na parroquia de Brántega, no concello de Agolada.
| Anos de actividade | 1864-1956 1982-1993 (Cultural) |
|---|---|
| Enderezo | Brántega (Agolada) |
Historia
editarEsta banda fundouse en 1864 e estivo composta nos seus inicios por catro mozos. Co paso do tempo, o número de compoñentes foi medrando e a dirección pasou a mans de Andrés Vilariño Porral. A división da banda en dous grupos deu como resultado a aparición da banda da Baíña en 1942. A Vilariño sucedeuno o seu fillo Raimundo e a este, José Oro Val, que tamén dirixiría a banda de Guláns anos máis tarde. Tras Oro Val, a batuta recaeu nas mans de Amadeo Agra Fernández, con quen desaparecería en 1956.
Brántega tivo que agardar preto de 30 anos para que outra agrupación levase o seu nome. Así foi como en 1982 se refunda a banda baixo a denominación de Banda Cultural de Brántega, proxecto que durou ata 1993, debido a que unha noite, desapareceron os instrumentos que estaban no local de ensaio desta agrupacion. Pero a desaparición desta banda, non foi total, xa que máis adiante, como froito da Banda Cultural de Brántega, fórmase a Banda de Música Municipal de Agolada.
Véxase tamén
editarBibliografía
editar- Alvarellos Iglesias, Enrique (1986). Bandas de música de Galicia. Lugo: Alvarellos.
Ligazóns externas
editar- Xan Salgueiro (1 de agosto de 2010). "Unha terra de bandas (VII)". Faro de Vigo.