Balbino Clemente

Balbino Clemente
	;
Biografía
Nacemento	6 de setembro de 1896 ; Vedra, España
Morte	28 de marzo de 1941 (44 anos)
Datos persoais
País de nacionalidade	España
Actividade
Ocupación	futbolista
Período de actividade	1915 -
Lingua	Lingua castelá
Deporte	fútbol
Posición de xogo	Centrocampista
Traxectoria

Balbino Clemente Núñez, nado en Vedra o 6 de setembro de 1896 e finado o 28 de marzo de 1941^[1], foi un futbolista galego, que xogaba de centrocampista.

Traxectoria

Comezou a xogar no Fortuna de Vigo en 1915. En 1917 foi fichado polo presidente do Real Betis Balompié, Carlos Alarcón de la Lastra, xunto ao vigués Barzallana. Despois dunha tempada, fichou polo Sevilla Fútbol Club, onde estivo un ano. En 1919 regresou ao Fortuna.

Trala fusión en agosto de 1923 do Fortuna e o Vigo Sporting naceu o Real Club Celta, pasando Balbino a formar parte do primeiro equipo. Xogou no equipo celeste até 1926, anos nos que acadou tres campionatos de Galicia.

O 18 de decembro de 1921 xogou coa selección española en Madrid fronte a Portugal. O 19 de novembro de 1922 xogou o primeiro partido da selección galega, con vitoria fronte a Castela por 4 a 1 no campo de Coia. Posteriormente xogaría varios encontros máis co combinado galego.

Foi irmán do tamén futbolista Juan Clemente Núñez. No ano 1940 celebrouse un partido en Balaídos como homenaxe ao xogador, entre o Celta e xogadores veteranos do equipo^[2]

Notas

↑ "Balbino Clemente, ha muerto". El Ideal Gallego. 29 de marzo de 1941. p. 2.
↑ "El homenaje a Babino Clemente". El Pueblo gallego. 11 de xuño de 1940. p. 2.

Véxase tamén

Ligazóns externas

Marcos L. Bacariza (5 de maio 2008). "Balbino Clemente". Yo jugué en el Celta (en castelán). .

[1] "Balbino Clemente, ha muerto". El Ideal Gallego. 29 de marzo de 1941. p. 2.

[2] "El homenaje a Babino Clemente". El Pueblo gallego. 11 de xuño de 1940. p. 2.

[1]

[2]