Avenida das Esfinxes
Avenida das Esfinxes ou O Camiño das Festas do Rei, (árabe: طريق الكباش, «vía dos cordeiros») (árabe: طريق الكباش) é unha longa avenida de 2´7 km. (dromos) que conecta o Templo de Karnak co Templo de Luxor que foi descuberta na antiga cidade de Tebas (a moderna Luxor), con esfinxes e estatuas con cabeza de carneiro aliñadas en ambos os lados.[1]
| Avenida das Esfinxes Camiño das Festas do Rei | |
|---|---|
_-_Egypt-3B-067.jpg) | |
| Dimensións | |
| Lonxitude | 2´7 km |
| Localización | |
| Coordenadas | 25°42′29″N 32°38′53″L / 25.70806, -32.64806 |
Karnak, Exipto
| |
Historia editar
A construción da Avenida das Esfinxes comezou durante a era do Novo Reino e completouse durante o Período tardío durante o reinado do gobernante da XXX Dinastía Nectanebo I (380–362 a.C.), a estrada foi posteriormente soterrada baixo capas de area ao longo dos séculos.[2]
En Description de l'Égypte (1809) a Avenida das Esfinxes descríbese con 2.000 metros de lonxitude, bordeada por máis de 600 esfinxes.[3]
Georges Daressy informou en 1893 de que en Luxor a estrada está soterrada e non se puido escavar porque estaba por debaixo do nivel das augas subterráneas, mentres que en Karnak é visible case un quilómetro da mesma.[4]
O primeiro rastro da avenida (en Luxor) atopouse en 1949[5] cando o arqueólogo exipcio Mohammed Zakaria Ghoneim descubriu oito estatuas preto do templo de Luxor con 17 estatuas máis descubertas de 1958 a 1961 e 55 de 1961 a 1964, todas dentro dun perímetro de 250 metros. De 1984 a 2000 determinouse finalmente todo o trazado da avenida, deixándo ás escavadoras o descubrimento da calzada. As 1.057 estatuas orixinais están no camiño, e están divididas en tres formas:[1]
- A primeira forma é un corpo de león cunha cabeza de carneiro erguida nunha área de aproximadamente 300 metros entre o templo de Karnak e o Recinto de Mut durante o reinado do gobernante do Novo Reino Tutankamón.
- A segunda forma é unha estatua de carneiro completa, construída nunha zona remota durante a XVIII dinastía de Amenhotep III, antes de ser trasladada máis tarde ao complexo de Karnak.
- A terceira forma que inclúe a maior parte das estatuas é unha estatua de Esfinxe (corpo de león e cabeza de humano), as estatuas esténdense case dous quilómetros ata o templo de Luxor.
Renovación e gran reapertura editar
O 25 de novembro de 2021, a avenida abriuse ao público unha vez concluídas as obras de restauración que tardaron máis de sete décadas en completarse. A marcha incluíu participantes con vestimenta faraónica, unha orquestra sinfónica, efectos de iluminación, bailaríns profesionais, barcos no Nilo, carruaxes tiradas por cabalos. Tres maquetas de barcos dourados de estilo faraónico dedicados ao antigo deus do sol Amun Ra, o deus da lúa Khonsu e a deusa nai Mut foron levados por homes con túnicas negras e de ouro puro, réplicas das que usáronse para o mesmo festival no antigo Exipto. A visión deste evento creouno un equipo da Universidade Alemá do Cairo. O presidente exipcio Abdel Fattah el-Sisi asistiu ao espectáculo en toda a cidade.[6] Nese momento, a avenida estaba bordeada de 1.057 estatuas en total, incluídas 807 en forma de esfinxe e outras 250 con cabeza en forma de carneiro.[7]
Zahi Hawass chamou ao sitio de Luxor "o maior museo [ao aire libre], o sitio arqueolóxico máis grande do mundo que conta a historia de Exipto desde a era do 2.000 a.C. coñecida como a XI dinastía, ata o período romano".[8]
Notas editar
- Referencias
- ↑ 1,0 1,1 Maher, Hatem. "Egypt opens Luxor's ancient 'Avenue of Sphinxes' to great fanfare". ABC News (en inglés). Consultado o 2021-11-25.
- ↑ "Expert reveals secrets of Luxor’s Rams Road, Opet Festival". EgyptToday. 2021-11-23. Consultado o 2021-11-25.
- ↑ "IX: Description generale de Thebes". Description de l'Égypte (en francés). 2,1,1: Texte 1. 1809. pp. 11–12.
- ↑ Georges, Daressy (1893). Notice explicative des ruines du temple de Louxor (en francés). pp. 11–12.
- ↑ Shawkat, Ahmed (26 de novembro de 2021). "Exipto reabre a antiga "Avenida das Esfinxes" séculos despois de que acollera desfiles para os deuses". CBS News. Consultado o 1 de decembrode 2021.
- ↑ Gubash, Charlene; Cahill, Petra (26 de novembro de 2021). "With huge celebration, Egypt reopens sphinx avenue that was covered in sand for centuries". NBCNews.com. Yahoo! News. Consultado o 28 de novembro de 2021.
- ↑ "Inauguration of the Rams (Al-Kebash) Road, the Avenue of the Sphinxes". presidency.eg.
- ↑ Gubash, Charlene; Cahill, Petra (26 de novembro de 2021). "Egypt reopens 3,000-year-old Avenue of Sphinxes in grand, glitzy Luxor ceremony". NBCNews.com. Consultado o 28 de novembro de 2021.
Véxase tamén editar
Wikimedia Commons ten máis contidos multimedia na categoría: Avenida das Esfinxes  |
