Aves non voadoras

(Redirección desde «Ave non voadora»)

Aínda que é certo que ao pensar nunha ave, inmediatamente vencéllase ese animal ao voo, existen (e existiron en tempos pasados), numerosas especies de aves non voadoras.

Os pingüíns son un dos exemplos máis coñecidos de aves non voadoras.

Polo xeral, aquelas especies de aves que non levan adiante desprazamentos por medio do voo, deben esta condición de non voadoras ao feito de evolucionar os seus membros superiores (ás) cara ao cumprimento doutras funcións. Por exemplo, os diferentes pingüíns, coma o pingüín de Magalláns ou o pingüín do Cabo, viron modificadas as súas ás de forma tal que se asemellan (en forma, como en función) ás aletas dos peixes e mamíferos mariños. A avestruz, o ñandú, o emú e outras aves semellantes (como a extinta moa), que desenvolveron a carreira pedestre como principal medio de locomoción, pola súa banda, transformaron estes membros superiores en órganos completamente inútiles para o desprazamento.

Outras especies non voadoras son o dodo e o corvo mariño áptero das Galápagos, Nannopterum harrisi.

Véxase tamén editar

Outros artigos editar