Au Pairs
Au Pairs foi unha banda de post-punk inglesa formada en Birmingham en 1979 e activa ata o ano 1983. Estivo composta por Lesley Woods (guitarra/voces), Paul Foad guitarra/voces), Jane Munro (baixo) e Pete Hammond (batería).
| Au Pairs | |
|---|---|
| Orixe | Birmingham, Inglaterra  |
| Período | 1979 - 1983 |
| Xénero(s) | post-punk |
| Membros | Lesley Woods Paul Foad Jane Munro Pete Hammond |
| Na rede | |
        | |
O seu primeiro álbum, Playing with a Different Sex, é considerado un clásico dentro do post-punk. O segundo disco da banda, Sense and Sensuality, ten unha grande influencia do jazz, do soul, do funk e da música disco, pero non foi tan ben recibido como o anterior. A banda separouse no ano 1983, xusto antes de entrar novamente no estudio para gravar co produtor Steve Lillywhite.
Lesley Woods formou unha banda toda de mulleres chamada The Darlings a finais dos 80, pero acabou por deixar a industria da música. Na actualidade traballa como avogada en Londres. O guitarrista Paul Foad aínda está activo como músico, tocando con Andy Hamilton and the Blue Notes, unha banda xamaicana de jazz, e dando clases de guitarra na zona de Birmingham. Tamén publicou un libro sobre técnicas de guitarra, co-escrito con Stuart Ritchie, titulado The Caged Guitarist (2000). A baixista Jane Munro traballa como terapeuta alternativa (aromaterapia, reflexoloxía e masaxe de cabeza indio) en Birmingham. Pete Hammond tamén segue sendo músico, e ensina percusión en Birmingham.
Discografía editar
Álbums de estudio editar
| Álbum | Ano | Selo |
|---|---|---|
| Playing with a Different Sex | 1981 | Human Records |
| Sense and Sensuality | 1982 | Kamera Records |
Directos e recompilatorios editar
- Live in Berlin - 1983 (AKA Records)
- Shocks to the System: The Very Best of the Au Pairs - 1999 (Cherry Red)
- BBC Sessions 79-83 (RPM)
- Sense and Sensuality - 2002 (Castle Music) Remasterizado
- Stepping Out of Line: The Anthology - 2006 (Castle Music)