Astrid (satélite)
Astrid ou Astrid 1 é un microsatélite sueco lanzado o 24 de xaneiro de 1995 mediante un foguete Kosmos 3M desde o cosmódromo de Plesetsk.
| Astrid | |
|---|---|
| Tipo | Observatorio da atmosfera superior. |
| Satélite de | Terra |
| Data de lanzamento | 24 de xaneiro de 1995, 3:54:22 UTC[1][2][3] |
| Foguete portador | Kosmos 3M[2][4] |
| Sitio de lanzamento | Cosmódromo de Plesetsk[2] |
| Obxectivo da misión | Estudo da atmosfera superior da Terra.[2] |
| NSSDC ID | 1995-002B |
| Masa | 24,7 kg[2][4] |
| Potencia | 38,5 W[2][5] |
| Baterías | Dúas baterías de níquel-cadmio.[5] |
| Datos orbitais | |
| Inclinación | 82,9°[1] |
| Apoapse | 1030,4 km[1] |
| Periapse | 967,2 km[1] |
Características editar
Astrid 1 é o terceiro satélite científico sueco e adicouse a investiga-lo contorno de plasma da Terra, centrándose nos fenómenos relacionados coas partículas neutras para mellorar a comprensión do comportamento dos cintos de radiación e estudar a súa dinámica e morfoloxía. Astrid 1 é o primeiro microsatélite montado sobre a plataforma FREJA-C, cumprindo tamén a función de demostrador tecnolóxico.[2]
O satélite estabilízase mediante xiro, co eixo de xiro apuntando cara ao Sol. O sistema de datos ten unha memoria de 8 MB e as comunicacións teñen lugar a unha velocidade de 8 kbps e a unha frecuencia de 400 MHz cara a estación de terra situada en Kiruna. O satélite tamén fai un pase diario sobre a estación de Esrange, coa que se comunica en banda S a 128 kbps.[2]
O tempo estimado de vida do satélite era dun ano, pero os instrumentos fallaron o 1 de marzo de 1995.[2]
Instrumentación editar
A instrumentación foi deseñada polo Instituto Sueco de Física Espacial de Kiruna, e consiste en tres experimentos:[2]
- PIPPI (Prelude in Planetary Particle Imaging): trátase de dúas cámaras de partículas neutras e é o instrumento principal do satélite.[4]
- EMIL (Electron Measurements - In-situ and Lightweight): é un espectrómetro de electróns.[4]
- MIO (Miniature Imaging Optics): é un fotómetro para o ultravioleta.[4]
Notas editar
- ↑ 1,0 1,1 1,2 1,3 N2YO (2011). Real Time Satellite Tracking, ed. "ASTRID" (en inglés). Consultado o 20 de decembro de 2011.
- ↑ 2,00 2,01 2,02 2,03 2,04 2,05 2,06 2,07 2,08 2,09 NASA (4 de novembro de 2011). "Astrid" (en inglés). Consultado o 20 de decembro de 2011.
- ↑ "Note verbale dated 16 February 1995 from the Permanent Representative of Sweden to the United Nations (New York) addressed to the Secretary-General" (PDF). COMMITTEE ON THE PEACEFUL USES OF OUTER SPACE (95-52456T). 23 de marzo de 1995. Consultado o 20 de decembro de 2011.
- ↑ 4,0 4,1 4,2 4,3 4,4 Gunter Dirk Krebs (2011). Gunter's Space Page, ed. "Astrid 1" (en inglés). Consultado o 20 de decembro de 2011.
- ↑ 5,0 5,1 Mark Wade (2011). "Astrid" (en inglés). Consultado o 20 de decembro de 2011.