Asemblea Xeral de Kentucky
A Asemblea Xeral de Kentucky (en inglés, Kentucky General Assembly) é o parlamento do estado de Kentucky nos Estados Unidos. Composto por un total de 138 lexisladores electos por sufraxio universal, a Asemblea conta cunha estrutura bicameral: Senado e Cámara de Representantes. A súa orixe remóntase a 1792, cando Kentucky entrou a formar parte da Unión e se elaborou a súa primeira constitución. O Capitolio Estatal de Kentucky, na cidade de Frankfort, acolle a súa sede.
| Asemblea Xeral de Kentucky | |
|---|---|
 | |
| Tipo | parlamento de estado dos Estados Unidos de América e bicameralismo |
| Sede | Capitólio Estadual do Kentucky |
| Na rede | |
| https://legislature.ky.gov | |
| [ editar datos en Wikidata ] | |
Composición editar
A Constitución do estado, aprobada en 1891, determina a súa estrutura:[1]
- O Senado: conta con 38 membros. Representan distritos uninominais e os mandatos son por 4 anos, escolléndose a metade dos senadores cada dous anos. Para ser senador débese contar con residencia no estado dun mínimo de 6 anos e morar no distrito polo que se presenta durante, polo menos o ano anterior.
- A Cámara de Representantes: conta con 100 deputados escollidos por distritos uninominais. Débense ter, cando menos, 24 anos de idade, tres de veciñanza no estado e un no distrito polo que se presenta, para poder concorrer ás eleccións.
Procedemento lexislativo editar
A principal facultade da Asemblea Xeral de Kentucky é a de elaborar, debater e aprobar as leis do estado. Un lexislador, sexa senador ou representante, pode iniciar o proceso mediante a elaboración dunha proposta. Unha vez rexistrada na cámara á que pertenza o lexislador derívase a a un comité parlamentario segundo a súa temática. Nesa fase, o comité valora e debate a proposta, de non ser rexeitada, o proceso lexislativo prosegue e chega ao pleno da cámara. Alí é de novo lida, a segunda lectura, e debátense as emendas, antes de votala. No caso de ser aprobada, envíase á cámara, onde o proxecto seguirá o mesmo procedemento, podendo ser modificada. En tal caso, unha vez rematada o proceso na segunda cámara, volverá a ser votada na cámara orixinal. Se a cámara orixinal rexeita as mudanzas, constitúese un comité conxunto con membros das dúas cámaras para intentar chegar a un acordo. O texto pactado debe ser votado afirmativamente por ambas cámaras para ser definitivamente aprobado.[2]
Malia ao veto que pode exercer o gobernador sobre unha lei aprobada, a Asemblea Xeral pode revogalo se así o votan a maioría absoluta dos lexisladores en ambas cámaras.
Aínda que a Constitución de Kentucky outorga a ambas as dúas cámaras semellantes poderes, as leis que supoñen incremento da recadación fiscal son iniciadas na Cámara de Representantes.
Notas editar
- ↑ "The Legislative Department, Kentucky Constitution". Ballotpedia (en inglés). Consultado o 2022-08-28.
- ↑ "Legislative Process - Legislative Research Commission". legislature.ky.gov. Consultado o 2022-08-28.