Asado

modo de cociñar os alimentos crus directamente á calor do lume ou dun forno

O asado é un modo de cociñar os alimentos crus directamente á calor do lume ou dun forno[1].

Asado na grella.
Asado na Patagonia, Arxentina

O asado pode facerse ben en asador (asadeiro, churrasqueira), ben no forno. Se se fai á grella chámase grellada, que pode ser de verduras, peixe (por exemplo as sardiñadas), ou de carne (churrascadas). Pode facerse tamén no espeto (por exemplo o carneiro ou as sardiñas).

O termo asado (assado no Brasil) refírese en Suramérica tanto ás técnicas de cociñado no lume (grellada) coma ao evento social de asistir á churrascada[2] Na Arxentina, Chile, Paraguai, Uruguai considérase prato nacional.[3] Nestes países, a palabra asado é sinónimo do que en galego se denomina churrasco. O asado suramericano adoita consistir en carne principalmente de vitela (vacún) con outras feitas á grella, ou directamente no lume cun espeto.

O asado ou churrasco unha das herdanzas máis importantes acollidas e asimiladas en Galicia polos indianos que volvían das Américas. Hoxe en día os asados, especialmente o churrasco, forman parte importante da gastronomía galega.

Notas editar

  1. Definición en VV. AA. (2012) Dicionario de alimentación e restauración, Santiago de Compostela, Termigal. Xunta de Galicia. Real Academia Galega
  2. Kuhn, Christoph (28 de xuño de 2007). WOZ Die Wochenzeitung, ed. "Jedes Biest auf den Grill" (en alemán). Zurich. Arquivado dende o orixinal o 23 de xullo de 2010. Consultado o 29 de decembro de 2012. Asado heisst eigentlich gegrilltes Fleisch, Braten; das Wort wird heute für das Grillereignis allgemein gebraucht. 
  3. "El asado". Vía Restó.com (en castelán). Bos Aires: Grupo Clarín. 28 de abril de 2010. Consultado o 29 de decembro de 2012. Nacido en el centro de las costumbres gauchas, el asado se impuso como el plato nacional por excelencia. 

Véxase tamén editar

Outros artigos editar