Arturo Rey Juncal
Arturo Rey Juncal, nado en Pontevedra e finado na mesma cidade o 31 de outubro de 1935[1], foi un reloxeiro e político galego.
| Biografía | |
|---|---|
| Nacemento | Pontevedra, España  |
| Morte | 31 de outubro de 1935 Pontevedra, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
| Familia | |
| Fillos | Benigno Rey Pavón |
Traxectoria editar
Reloxeiro. Foi concelleiro republicano en Pontevedra durante a Restauración. Masón, membro da loxa Helenes nº 7 co nome simbólico de Víctor, foi detido en 1930 por participar en reunións masónicas e multado con 250 pesetas. Formou parte, con Amancio Caamaño e Maximiliano Pérez Prego, da comisión encargada de establecer unha alianza entre republicanos e forzas esquerdistas locais en marzo de 1931. Nas eleccións municipais do 12 de abril de 1931 que trouxeron a República foi elixido concelleiro polo distrito de Santa Clara e ocupou o cargo de tenente-alcalde até a destitución da Corporación en outubro de 1934. Rexeitou o ofrecemento para presidir a Deputación de Pontevedra e só aceptou o posto de deputado provincial. Era directivo do consello local de Izquierda Republicana.
Foi pai de Benigno Rey Pavón.